Ordinis Minorum Capuccinorum 347

II. In Missis de Requie post elevationem loco Benedictus, Litaniae uti ex Rituali Romano in ordine commendationis animae, vel Lauretanae, canuntur, et huiusmodi Missae fiunt lectae. Insuper in Missis cantatis de die, intonato Credo sa- cerdos prosequitur Missam uti lectam usque ad Praefationem. Quaeritur an haec tolerari possint?

III. An sacerdos lingua vernacula Officium divinum Bre- viarii Romani ex. gr. Nativitatis Domini, defunctorum etc. cum populo peragens, vel Litanias Sanctorum in Processio- nibus Rogationum eadem lingua persolvens, teneatur has partes Breviarii Romani in lingua latina iterum recitare?

Et Sacra Rituum Congregatio, ad relationem subscripti Secretarii, exquisito voto Commissionis Liturgicae, reque mature perpensa, respondendum censuit:

Ad I. Negative, quia haec benedictio in articulo mortis est precatio stricto sensu liturgica.

Ad II. Negative, et hos abusus omnino esse eliminandos. Ad III. Affirmative ; nam qui ad recitationem divini Of-

ficii et cuiusque partis Breviarii Romani sunt obligati, tan- tum in lingua latina haec recitari debent, alias non satisfa- ciunt obligationi.

Atque ita rescripsit. Die 3 Iunii 1904 ( i ) .

A. Card. TRIPEPI, Pro-Praefectus.

L. S. f D. Panici, Archiep. Laodicen., Secretarius.

ORDINIS MINORUM CAPUCCINORUM

PROVINCIAE RHEGINENSIS

De festo Patroni principalis dioecesis et regionis a Capue- cinis celebrando.

Hodiernus Redactor Kalendarii pro Rheginensi Provincia Ordinis Minorum Capuccinorum, de consensu sui Rmi Pro-

(1) Huiusmodi decisio hodie primum in lucem prodit (N. R.).