348 CASSANEN.

sibi praeeminentiam ascribebat. Haec autem aliena omnino esse ab hodierna quaestione apparent. Quapropter cum De Luca Decis. Sic, n. 61, optime concludi posse videtur quod « eum de hoc non fuisset disceptatio... non potest dici deci- sum; decisio quippe debet interpretari ex facto sapientibus proposito, de quo apparet in textu : et quod non est disce- ptatum, nec deductum non potest haberi pro deciso, dicens praesumi latam sententiam ex causa quae resultat ex actis. > Quibus consonat De praeem. disc. 4, num. 4 et 5.

Et ita sententiam S. C. C. semper fuisse intellectam, ut scilicet processiones neri deberent separatim, nullo habito tamen respectu ad egressum e finibus propriae paroeciae, clerus s. Nicolai probare satagit ex vetusta illius oppidi ob- servantia. Namque dicit a remota usque aetate et quasi ex necessitate, ob irregulärem scilicet confinium formam, ut ipse Episcopus recolit, passim contigisse ut processiones s. Nicolai fines s. Mariae Magdalenae ingrederentur. Idque evenisse in processione Purificationis B. V. M. iam ab an- no 1777, nec non in processionibus Palmarum, Rogationum et B. V. M. ab angelo salutatae, in qua accedebatur ad sa- cellum Annuntiationis cleri s. Nicolai proprium licet in am- bitu paroeciae s. Mariae Magdalenae comprehensum. Haec autem semper ac pacifice ita obtinuisse.

Et quamvis hoc aevo frequentius contigerit processiones quasdam solemniores a clero s. Nicolai duci, et in his fines s. Mariae Magdalenae pervadi, hoc tamen factum semper fuisse, sustinet clerus s. Nicolai, tum ex populi desiderio, quum ex Episcopi voluntate, simulque ex necessitate. Sane ita loquitur Episcopus: nec prima vice fiebat processio an- no 1873, ex meo consensu; nam anno 1872 quoque, me praesente, tranquille exacta fuit processio per girum, nunc contestatum. Ita pariter facta fuit eadem processio ultimo mense Aprilis. Adest autem quaedam necessitas tangendi extremam territorii Magdalenae partem ut processio palma- rum fieri valeat a Capitulo s. Nicolai cum quadam decentia et decore.