348

I MECHLINIEN.

! NULLITATIS MATRIMONII.

r Die 16 Iulii 1898.

Sess. 24. cap. 1. de ref. matr.

COMPENDIUM FACTI. Pernobilis baro Albertus viginti octo annos natus, die 12 mensis Decembris an 1894, in oppido S. Egidii, vulgo Saint Gilles, iustas nuptias iniit cum Iu- lia, in fiorente aetate viginti annorum tunc constituta ; at infausto prorsus omine, cum Iulia, quae fertur alii viro iam antea addicta, non omnino libera sed a matre coacta Alberto nupsisse videatur.

Prima nuptiarum nocte sponsi eodem cubiculo eodem- que lecto usi sunt, et, si eorum dictis fides adiicienda est, uxor coniugale debitum reddere recusavit, ac dein in ea de- negatione perstitit, non obstantibus iteratis conatibus ma- riti, cui uxor declaravit se erga ipsum eam habere repu- gnantiam ut nunquam consensura esset in opus coniugii.

Hac de re vita coniugalis diu perdurare non poterat. Nam post duos menses ab initis nuptiis mater uxoris, vi- dua, apud quam neo-coniuges erant recepti et habitabant, partes filiae suae amplexa es t , ac marito huiusque patri declaravit, separationem immediatam esse necessariam quin tamen rationem addiderit.

Vir e domo sponsae deiectus, postquam uxorem ad se- cum habitandum semel ac iterum, sed absque successu in- vitasset, divortii sententiam a iudice laico postulavit ; ea- que vix obtenta, ad Sacratissimum Principem supplex con- fugit, ut secum Ipse dispensare dignaretur super matrimo- nio rato et non consummato.

Preces de more ablegatae fuerunt Emo Archiepiscopo, qui SSmi Patris iussa faciens, consuetum confici curavit processum; quo expleto, acta S. C. transmisit. Sed, defi- ciente iudiciali mulieris inspectione, iterum mandatum fuit, ut ad tramites iuris mulier ad physicum examen subiicien-