345. De sanctis Martyribus.

1 a. Te martyres candidati
Laude nunquam fatigati
Semper laudant, Domine,

1b. In hac die qui recepti
Sunt in caelum et erepti
De mundi voragine.

2 a. In duello duplici
Gaudent sibi subici
Mundum et daemonia
In dupla victoria.

2 b. Corde stantes simplici
Nunquam possunt deici
Neque per supplicia
Nec per ulla vitia.

3 a. Dum tormenta sunt perpessi,
Nunquam poenis erant fessi,
Semper Christum sunt con-
fessi
Respuentes idola.

3 b. Carceribus mancipati
Sunt gladiis decollati
Et in caelis coronati
Virginum aureola.

4 a. Sunt in caelis et lactantur,
Deum vident et mirantur

Miranda laetitia

Et videndo satiantur

Dei satis gloria.

4 b. Per quos Christum depre-
camur,
Quod nos, hic qui congregamur,

In Dei praesentia

Vera vita perfruamur

Dicentes Alleluia.