EXECUTIONE TRANSACTIONIS 349

interest nisi probaverit, se penes tertium, a quo pendet stipu- lationis exequutio, omnem diligentiam incassum adhibuisse; quia id omnino promisisse intelligitur, veluti communiter docent Bartolus in consil. 28$; Boer. decis num. 16, Fabrus ad cod. tit. De contract. Bronch. assert. 40, Schueff. cons. 15 decis. 1. Magis autem in praesenti casu diligentia ab Episcopo exercenda foret penes Apostolicam Datariam > quia non frustranea , sed valde perutilis erat pro contractus exequutione: cum Sedes Apo- stolica plurimi faciat Ordinariorum vota, et commendatis ab ipsis beneficia conferre soleat.

In themate autem nedum haec praestitit favore sacer- dotis G., Archiepiscopus, ait Orator; sed reservationem op- posuit, omnemque vim adhibuit ut sacerdos idem ab optanda memorata paroecia arceri posset ; dum alioquin benevisus populo ille esset, ceu ex testimoniis quamplurimis eruitur probatum fuisse.

Totum caput quartum insumit Orator ad evincendam Sa- cerdotis G. idoneitatem pro regimine paroeciae. Ait enim, praeter Archiepiscoporum laudabilia testimonia de eius idoneitate in paroeciis regendis fidem facientia , stat votum Consultoris s. Congregationis idem testantis , stant ipsius pariter fa- vore vota trium Theologorum Urbis in praecedenti causa ex- hibita, stat demum ipsius Archiepiscopi confessio transactionem ineuntis, in qua aperte sacerdoti G. concessit facultatem optandi quodlibet beneficium paroeciale , liberae collationis, extra ur - bem N. vacaturum, absque ulla conditione et absque examine.

Aequitatis demum semitam in quinto capite sectando pro- pugnat, in damnatissima hypothesi omnia concurrere extrema suadentia, ut ex indulgentia Summi Principis, de S. C. C. con- silio, enunciata Paroecia suo clienti conferatur. Revera de ipsius idoneitate ad regendas paroecias ex dictis nefas est dubitare , adeo ut ipsa Sedes Apostolica eumdem dignum atque idoneum ad paroecias regendas iudicaverit, confirmando transactionem , in qua facultas concedebatur eidem, ullo absque experimento, optandi quodlibet beneficium paroeciale. Subest causa, ne secus in aevum lis producatur, neve inita concordia a s. Sede con- firmata in irritum cedat, quae ex reservatione tantum acciden-