LUCANA 349

Posito igitur parochiali iure religiosae communitatis S. Antonii super ecclesia SS. Virginis ab Angelo salutatae, praesumptio adesse videretur, franciscales fratres ibidem illis diebus sacra ministeria obiisse uti parochialia iura exercen- tes, non vero quatenus cappellani confraternitatis. Neminem enim latet, parochum privative quoad omnes circa sacrarum functionum exercitium fundatam habere intentionem in iure, non modo in parochiali ecclesia, verum etiam intra totius paroeciae fines. Cap. Dilectis de Capel. Monachorum c. 1* 4. De sepulturis. Barbosa De off. parochi part. 1* c. 12* n. 1 seq. Rota Decis. 124 a num. 1, decis. 214* n. 6 et 7 part. 12 et decis. 231* n. 2, par. 13, decis. 225* num. 1* par. 19. Hinc omnia in contrarium allata, quae dependen- tiam fratrum a confraternitate innuere viderentur, ad munus cappellani coarctari deberent. Cumque saecularis et pacifica quasi possessio extra controversiam ex ipsa sodalium confes- sione appareat, consequens esset illos, extante legitimo titulo, in hac quasi possessione esse manutenendos. Eo vel magis quod , ut Vicarius generalis observabat, in causa spolii ad spoliatum redintegrandum et titulus coloratus sufficeret.

Inutiliter proinde sodales ad instrumentum diei 5 Octo- bris 1667 quo a Reipublicae Lucensis moderatoribus ipsis ecclesiae usus concessus fuit , confugere videntur. Omissa enim quaestione an Lucensis Respublica ius in praefatam ecclesiam reapse habuisset, certum tamen est, ad utriusque legis praescripta non potuisse iura laedere, quibus francisca- les fratres in eodem templo potiebantur. Verba igitur con- fratres libere possint, et absque ulla oppositione uti praedicta Ecclesia, ita intelligi debent, ut per hoc iuri quaesito tertii praeiudicium minime inferatur, cum vulgatissimum sit rem inter alios actam, tertio nec prodesse, neque nocere posse.

Frustra pariter fratres reformati censent opponi factum solutionis mercedis etiam pro sacris functionibus controversis. Siquidem haec liberalitas piorum sodalium fuit ad quam adigi non poterant, et qua forsan laudabile servitium ecclesiae praestitum rependere voluerunt. Quod etiam ex pluries ei-