OVETEN. 349

Hisce omnibus quoad causae meritum expensis, canonista concludit, inquiens, quod licet acta processus imperfectissima sint, attamen matrimonium mansisse ratum argumenta in- dubia et efficacissima probant. Processus incompletus est, cum ex parte Emmanuelis Diaz desint testes septimae ma- nus, matrimonialis vinculi defensor desideretur, qui tamen iuxta Constitutionem Benedicti XIV omnino requiritur, et censetur potissima pars in iudicio ferendo de validitate vel invaliditate coniugii, eiusque solutione, quando ratum fuisse censetur. Unde super his sanatio in vocanda est, nec Damasa sine ratione illam expectat, et consequi sperat a Pontificis indulgentia, sive quia Congregatio per litteras Secretarii ab Episcopo Habanensi, hoc unum scire desiderabat, an Emma- nuel venerit in Europam, et Hispaniam appulerit, Damasam visurus, (quod non evenisse abunde se probasse confidit) : sive quia hodie processum repetere eumque absolvere ad tramites iuris, impossibile est, cum Diaz, vir durae cervicis, matrimonium a se initum agnoscere recuset, eo quod con- trahendi mandatum, tempore utili se retractavisse affirmet.

Praemissa sanatione actorum, supplicandum Sanctissi- mo Patri pro dispensatione a matrimonio rato, firmiter censet. Damasa enim quae turpiter decepta est ab homine improbo, indulgentiam Pontificis implorat, ut a vinculo ab- solvatur bona fide contracto. Eius conditio sane bona non est. Atque ut Episcopus Ovetensis de ea scribit, « non è » maritata, nè zitella, conviene che questo stato si rego- » larizzi. »

Eo quod matrimonium cum Emmanuele contractum va- lidum sit, certe eidem adhaerere teneretur, sed Diaz illam repellit, et matrimonium invalide initum fuisse peierando affirmat. Quid vero si facti poenitens, Damasam ut coniugem acceptaret ? Nec eo in casu Damasam impellendam esse censet. Qua animi voluptate id faceret si cogeretur ? De homine agi- tur, qui eodem anno, iisdemque verbis duabus mulieribus fide- litatem suam spondere non dubitavit. Damasa autem ratio- nabiliter pertimesceret, fidem datam eadem facilitate Emma-