Sermo IV .

Sermo fratris Bonaventurae Fratribus Parisiensibus in Capitulo.

Videte, quomodo caute ambuletis, ad Ephesios quinto .

In verbis his hortatur Apostolus ad prudentiam vitae secundum Evangelium: quod ut fiat, primo inducit ad vigilantiam et attentionem: secundo, ad sapientiam et discretionem. Primum, ibi: Videte: secundum, ibi: quomodo caute ambuletis.

Circa totum nota, quod illi comprobantur ambulare sive vivere in hoc mundo caute coram Deo, hominibus et Angelis, qui ambulant: per viam simpticitatis et innocentiae Deum habendo prae oculis solum et Demini nocendo; Genesis quinto : Ambulavit Henoch cum Deo etc.

Per viam pietatis et devotionis internae caelestia semper ruminando et semper circa divina versando: Genesis decimo septimo: Ego Deus omnipotens: ambula coram me et esto perfectus: Genesis quadragesimo octavo: Deus, in cuius conspectu ambulaverunt patres mei, Abraham et Isaac etc.

Per viam puritatis et sanctimoniae custodiendo animam et corpus in cogitationibus et sermonibus et moribus et consortiis castis: Apocalypsis tertio : Ambulabunt mecum in albis, quia digni sunt: Psalmus: Ambulans in via immaculata, hic mihi ministrabat,

Per viam pacis et concordiae cum omnibus, communicando, disconvenientes reconciliando et omnes ad pacem trahendo; Malachiae secando: In pace et in aequitate ambulavit mecum et multos avertit ab iniquitate.

Per viam austeritatis et poenitentiae coercendo corpus (observando praecepla) Evangelii, et exercitando ipsum (corpus vigiliis,) orationibus et hujusmodi; (Isaiae vigesimo ): Sicut ambulavit servus meus Isaias nudus et discalceatus

Per viam veritatis et sapientiae zelando in se et in aliis iustitiam Evangelii: Genesis sexto: Noe vir iustus atque perfectus fuit in generationibus suis: cum Deo ambulavit.

Per viam humilitatis et patienta in omnibus se annihilando et omnia propter Deum supportando, considerans semper, quod cum toto hoc vix evadit homo, iuxta Psalmum: In via hac, qua ambulabam, absconderunt laqueum mihi.

Sermo V . Sermo Bonaventurae Fratribus de Meldis.

Credidit homo sermoni, quem dixit ei Iesus, et ibat, Ioannis quarto .

Verbum est Evangelistas Ioannis reguli devoti perfectionem aliis in exemplum proponentis. Ostendit autem ipsius perfectionem: primo, quantum ad fidei sive intelligentiae rectitudinem: secundo, quantum ad verae obedientiae promptitudinem. Primum, ibi: Credidit homo sermoni, quem dixit ei Iesus: secundum, ibi: et ibat.

Quantum ad totum nota, quod exemplo buius reguli debemus fidei sive intelligentiae rectitudinem

et obedientiae Evangelii promptitudinem conari habere propter quatuor bona, quae inde proveniunt omnibus. Primum est abdicatio inficientis maculae; Ioannis undecimo : Ego sum resurrectio et vita: qui credit in me, etiam si mortuus fuerit, vivet.

- Secundam est fortitudo proficientis iustitiae; Ioannis decimo quarto: Amen, amen dico vobis, qui credit in me, opera, quae ego facio, et ipse faciet.

- Tertiam est plenitudo reficientis gratiae; Ioannis undecimo: Omnis, qui vivit et credit in me, non morietur in aeternum. - Quartum est altitudo perficientis gloriae; Ioannis decimo quarto : Creditis in Deum, et in me credite. In domo Patris mei mansiones multae sunt.