350 EX SEGRETARIA BREVIUM

ut quae annuis rationibus deductis fuisset pecunia reliqua, rite legitimeque collocaretur foenori, extraordinariis quoque suppedi- tandis sumptibus par futura.

Praeterea Pontificis Maximi voluit esse idoneum de clero virum deligere, ad nutum, si res postularet, amovendum, qui Sacrario honore gratuito proximus praesideret; isque non modo rectam ibidem perfunctionem sacrorum curaret, verum etiam Sacrarii ornatum ipsasque aedes sarta tecta tueretur; nihil ta- men impendii, nisi auctore vel Cardinali Palatii Praefecto vel Antistite Diaetarcho, faceret. Alterutri autem sive Cardinali sive Antistiti facultatem fecit deligendi ad custodiam Sacrarii Sacer- dotem aedituum, duosque praeterea clericum et laicum amo- vendos item ad nutum, eisque munia et stipendia definiendi.

Denique continentem Sacrario domum, quam ipse extruen- dam curaverat, Sacrario similiter datam addictamque, utendam aedituo Sacerdoti et custodi laico concessit, excepta inferiore domus parte, cuius sibi et successoribus usum reserva vit. - Haec Pius IX, praeter alia quaedam, ad reliquias praesertim extincti a se Sixtini Collegii pertinentia, constituit in iis Litteris, quas supra memoravimus.

Nos vero Decessoris Nostri decreta, qua parte opus est abrogantes, stabilia de cetero et rata iubentes esse, haec sta- tuimus et sancimus:

I. Sixtinum Sacrarium eodem iure posthac erit, ac ceterae sunt templi Liberiani partes : ita quidem ut eius Sacrarii domi- nium seu proprietas penes Apostolicam Sedem maneat, usus autem et ususfructus Capitulo Liberiano cedat.

II. In bonis, Pii IX decreto, Sacrario Sixtino assignatis, usus contiguae domus, nulla reservata parte, censeatur.

III. Sixtino Sacrario praeesse eiusque administrare bona, iam non Cardinali aedium pontificalium Praefecto, aut Antistiti Diaetarcho, verum Cardinali Archipresbytero et Capitulo Libe- riano ius erit: rationes tamen Sacrarii seorsum a rationibus Capituli computentur.

IV. Quod ad Sacrarii custodiam attinet, qua ratione et quo- rum ministerio ea gerenda sit, integrum erit Archipresbytero et Capitulo constituere.

V. In bonorum Sacrarii Sixtini administratione, detractis de summa redituum impensis, quas in annuam tuitionem, cu- stodiam cultumque Sacrarii fieri oporteat, quae pecunia super-