INSTRUCTIO 351

scopali lata fuerit, appellatio fiet ad curiam patriarchalem; si vero a curia patriarchali ea prodierit, appellabitur ad S. Sedem. Item ad eamdem S. Sedem appellatio erit sempe'r facienda, quoties primae duae sententiae inter se conformes non fuerint, nisi partibus pla- cuerit causam ad ipsam S. Sedem ab initio et immediate deferre.

TITULUS QUINTUS

De secunda instantia.

25. Facta appellatione, Episcopus seu Ordinarius, qui primam sententiam protulit, eam remittere debebit una cum integro pro- cessu, ceterisque omnibus ad causam iterum iudicandam pertinen- tibus ad tribunal, ad quod appellatum est.

26. Hoc autem omnia a primo tribunali peracta diligenter examinabit, atque ea omnia peraget, quae necessaria videbuntur, ut defectus suppleantur, dubia elucidentur, et errores corrigantur. Hunc in finem , praesente semper vinculi defensore in curia con- stituto vel specialiter delegato, coniuges examinabit, investigatio- nes instituet circa documenta priori tribunali exhibita , testes a quibus novas informationes hauriri possint , iterum audiet. Imo poterit etiam praescribere , ut novus processus ex integro confi- ciatur.

Verum quatenus validae desint rationes novum processum exi- gendi, consultius erit, praesertim si personarum et locorum circum- stantiae id suaserint, ut processu iam expleto utatur, indictis ta- men ulterioribus investigationibus, quas necessarias iudicaverit.

Quod si novum processum faciendum esse censuerit, methodus supra descripta servanda erit. Si vero aliqua tantum nova acta adiungenda, vel novi aliquid investigandum censuerit, semper tamen defensor matrimonii adesse debebit, vel saltem nova haec eidem communicanda erunt', ut pro munere suo ea expendere, et quatenus opus esse duxerit, proprias animadversiones illis opponere valeat.

27. Expleto examine primi processus, et imposito fine novis inve- stigationibus, iudex appellationis debebit exquirere a defensore ma- trimonii, utrum aliquid adhuc habeat deducendum aut inquirendum ; et quatenus se nil amplius habere dixerit, auditis prius modo, quo supra declaratum est, aliquibus viris in scientia iuris peritis, sen- tentiam pronunciabit, omnia servando, quae pro tribunali primae instantiae praescripta fuerunt.