BRIXINEN. 351

tium acturos. Ne vero clerici inferioris ordinis e. gr. sacer- dotes auxiliarii vel beneficiati non-parochi excludantur a syn- odo , hi quoque vices suas quibusdam procuratoribus dele- gare possent, si Eminentissimis hoc placeret.

« Sed peculiaris difficultas enascitur quoad Vicariatum Vorarlbergensem. Iuxta enucleatius exposita in altera plagula districtus Vorarlbergensis, ex mente f. r. Pii VII ceu fu- tura Dioecesis, proprie non est pars dioeceseos, sed tractus peculiaris et a Dioecesi Brixinensi quodammodo distinctus. Attamen in praxi distinctio haec vix in oculos cadit, eo quod omnes leges et ordinationes, quae ab Ordinario Brixinensi eduntur, omnino etiam pro dicto Vicariatu valent, ita ut omnimoda uniformitas hic et illic vigeat.

« Ut haec desiderabilis uniformitas deinceps quoque sarta tecta servetur, quam maxime optandum est, ut unica tantum pro utroque districtu synodus habeatur.

« Sed obmoveri fors posset, tali modo districtum Vorarl- bergensem omnino confundi cum Dioecesi brixinensi, cum ex mente Pii VII non ceu pars dioeceseos, sed potius ut tractus peculiaris censeri debeat.

« Itaque rogo: - 1. ut S. Concilii Congregatio modum supra indigitatum celebrandi Synodum dioecesanam approbet, vel alium modum suggerere dignetur;

« 2. ut, nisi fors status rerum provisorius in Vorarl- berg - quod maxime expediret - aliquo modo convertatur in stabilem, declarare dignetur sacerdotes Vorarlbergenses, eo non obstante, quod f. r. Pii VII binas dioeceses constituere in animo habuerit, ad synodum dioecesanam Brixinensem venire teneri, et unitas adeo pretiosa et desiderabilis sarta tecta servetur. >

Disceptat io Synoptica.

Ad singula quae Episcopus aut definienda aut concedenda postulat pauca adnotata fuerunt; et in primis, quoad locum ac tempus convocandi Synodum, in Viterbien. 14 Septembris 1782