OVETEN. 351

Ioseph Vidal Valdivia y Garcia atque Leontius Zamora y Pe- ralta, in memorata urbe vulgo S. Spiritus degentes, asserunt quidem Emmanuelem nec ab insula, nec ab oppido S. Spiritus exiisse, imo neque exire potuisse, « essendo stato impiegato in quel tempo (a mense Decembri 1883) nelle Regie finanze ».

Ast, inquit, in aprico est hos testes a veritate deflectere. Compertissimum namque est, Emmanuelem ab anno 1886 oppido S. Spiritus et publico muneri valedixisse. Porro Em- manuel tempore non suspecto ad Damasae patrem inter alia idipsum scribit.

Alia vero in epistola ad eundem Damasae patrem data « Avana 1 Maggio 1886 » suum redeundi Ovetum, in ante- cessum panditum, desiderium etiam atque etiam affirmat.

Hinc liquet fabulis accensendum etiam esse matrimonium ab Emmanuele initum die 7 Iulii 1884 cum Anna Garcia Re Diaz Syndici oppidi S. Spiritus sorore. Nam si ab anno 1884 uxorem duxisset sororem Syndici S. Spiritus, anno 1886 haud vagabundus per insulam et famelicus panem in Hispania a Damasae patre quaereret.

Sed adesse urget omnino maiora: die 11 Ianuarii 1885 Emmanuel ad ipsammet Damasam scribit : se mense Aprili, vel Maio, ut eam inviseret, Ovetum iturum.

Quo vero ad Damasam, extra omnem prorsus dubitationis aleam positum esse contendit Oveto abfuisse et per tres menses in domo sororis a Bona f errada provincia di Leon anno commorasse ; idest eo temporis momento, quo Emma- nuel, ceu ex superius adductis patet, cum Damasa coniungi percupiebat.

Quaerit itaque ubinam tribus hisce mensibus versata sit Damasa ? Neque Damasam audiendam esse, urget tum cum asserit a Bonferrada in domo sororis commoratam esse ; quandoquidem nullam huiusce rei probationem adducit. Our, petit insuper, soror ista ad examen adducta non est ? Ecquis auctor est Emmanuelem et Damasam tribus sin minus hisce mensibus sive in provincia de Leon, sive in aliis Hispania- rum aut cubanae insulae plagis una simul non convenisse?