352 Acta Apostolicae Sedis - Commentarium Officiale

Puero, aureo ac pretioso diademate celeberrima pompa redimita fuit. San-

ctuarium ipsum centrum exstitit ac permanet pietatis et cultus tam inco-

larum quam peregrinorum, sive seorsim, sive turmatim confluentium ex

vicinis vel dissitis locis, praesertim festis indulgentiarum, uti vocant, gra-

tiam et misericordiam Beatissimae Virginis Mariae Lezajecensis devota

prece implorantium. Pulchris quidem tabulis templum renidet, a magni

nominis artifice Stanislao Stronski depictis, et tam Domini Nostri Iesu

Christi mysteria, quam, Virginis Deiparae privilegia exprimentibus. Imago

Annuntiationis Beatae Mariae Virginis, quae in altari principe asservatur,

est opus saeculi x v n , auctore fratre Lekszycki ex Ordine Fratrum Minorum,

et in cappella sinistra imago sancti Francisci Asisiensis in ecstasim rapti,

auctore Correggio minore gaudet; sicut in alio ex decem et octo altaribus

ipso a magistro depicta Sanctae Mariae Magdalenae poenitentis imago

colitur. Ad maius altare stalla chori ex ligno sculpta affabre et ipsa sunt

eximii opus artificis, et pulcherrima quidem opera sunt magna Angeli statua,

suffultum pulpitiim sive suggestum nec non organum in universa Polonia

celeberrimum iam inde ab anno M D C L X X X I I conflatum. A d sacrum cultum

quod attinet, Fratres Minores sanctuarii custodes et ministri optime inser-

viunt evangelicis concionibus, sacrisque functionibus nec non diligentissima

Sacramentorum administratione; divites autem et copiosae supellectiles, qui-

bus templum abundat, et fidelium pietatem excitant et cultus splendorem

illustrant. Haec animo repetentes, cum dilectus filius Benedictus Wircioch

minister provincialis Ordinis Fratrum Minorum provinciae Immaculatae

Conceptionis Beatae Mariae Virginis in Polonia, una cum suo Definitorio,

nec non de consensu Procuratoris generalis Ordinis eiusdem, Nos enixis

precibus flagitaverit ut memoratam ecclesiam ab Annuntiatione hoc decur-

rente anno, ab expleta eius aedificatione ter saeculari, propediem celebrando

tam religiosa quam civili solemnitate, titulo ac privilegiis Basilicae minoris

insignire dignaremur; cumque his precibus gravissimum accedat commen-

dationis officium Archiepiscopi Metropolitae Leopoliensis Latinorum, nec

non Episcopi Premisliensis Latinorum, optatis his concedendum ultro

libenterque existimavimus. Quae cum ita sint, audito venerabili fratre

Nostro Antonio S. E. E. Cardinali Vico, Episcopo Portuensi et Sanctae

Rufinae, Sacrorum Rituum Congregationi Praefecto, omnibusque rei mo-

mentis diligenter perpensis, motu proprio atque ex certa scientia et matura

deliberatione Nostris deque apostolicae Nostrae potestatis plenitudine

ecclesiam sive Sanctuarium Beatissimae Virgini ab Angelo salutatae sa-

crum, positum in suburbio LezajeJc dioecesis Premisliensis, et curis concre-

ditum Fratrum Ordinis Minorum, Basilicae minoris titulo, cum privilegiis

et honorificentiis iuxta decreta et morem competentibus, condecoramus.