352 INSTRUCTIO

28. Quando utraque sententia conformis pro validitate coniugii pronuntiata sit, sciat tamen pars impugnans matrimonium, sibi adhuc omnino patere appellationem ad Apostolicam Sedem. Si porro in secunda aeque ac in prima sententia nullum ac irritum matrimo-

nium iudicatum fuerit, et ab ea pars vel defensor pro sua conscien- tia non crediderit appellandum, in potestate et arbitrio coniugum sit novas nuptias contrahere , dummodo alicui eorum ob aliquod impedimentum vel legitimam causam id vetitum non sit. Potestas tamen post alteram sententiam conformem, ut supra , coniugibus facta intelligatur, salvo semper et firmo remanente iure seu pri- vilegio causarum matrimonialium , quae ob cuiuscumque temporis lapsum numquam transeunt in rem iudicatam; sed si nova res, quae non deducta vel ignorata fuerit, detegatur, resumi possunt et rur- sus in iudicialem controversiam revocari. Quod si a secunda sententia super nullitate vel altera pars appellaverit, vel defensor matrimonii ei salva conscientia acquiescendum non putet, quia sibi vel mani- feste iniusta vel aliunde invalida videatur , re tota ad S. Sedem delata, interim firma remaneat utrique coniugi prohibitio ad alias transeundi nuptias. (1)

PARS ALTERA. -TITULUS SEXTUS

De regulis servandis in tractandis causis matrimonialibus in specie.

Praeter hactenus recensitas regulas in omnibus causis matri- monialibus generatim servandas , ut iuridica illis stet validitas ; quaedam etiam speciales prae oculis habendae sunt iuxta peculiarem impedimentorum naturam et indolem, quae iudicio occasionem prae- buerunt. Quare de his singulis, saltem quae frequentius occurrere solent, aliqua speciatim animadvertenda sunt.

ARTICULUS PRIMUS

De impedimentis cognationis carnalis vel spiritualis, et affinitatis.

29. Si matrimonium impugnetur ob assertum impedimentum

cognationis carnalis aut spiritualis, vel affinitatis, facile erit eius-

dem existentiam detegere ope authenticorum documentorum. Ete-

nim cognatio carnalis, et etiam affinitas, quae ex praecedenti ma-

ii) Quoad ea quae in hoc titulo quinto exposita sunt, vide Constit* Bened. X I V

a §. 10 usque ad §. 12.