349. De uno Confessore.

1 a. Felix vixit hic confessor,
Verbo, vita fit professor
Christianae fidei;

1 b. Imitator Christi ducis
Memor fuit eius crucis
Cruoresque rosei.

2 a. Voluptates abdicavit,
Carnem suam castigavit
Per iuge martyrium ;

2 b. Ieiunavit et oravit

Et in cruce se mactavit
Vivum sacrificium.

8 a. Armis lucis se munivit,
Fide fraudes hostis trivit,
Roboravit brachium;

3 b. Mente florem mundi sprevit,
Pietate motus flevit
Proximorum vitium.

4 a. Castus, prudens sic vivebat,
Quod dissolvi cupiebat
Relinquendo saeculum;

4 b. Civis factus supernorum
Regem cernit angelorum
Gustans vitae poculum.

5 a. Salve, fortis Christi miles,
Roga regem, quod nos viles
Expurget a sordibus.

5 b. Iesu Christe, nos confortes
Eius prece, quod consortes
Simus caeli civibus.