351. In Festo unius Sancti.

1 a. Mente pura iubilemus,
Voce clara resonemus
Huius sancti gloriam ;

2 b. Nam sanctorum vita, fratres,
Nos accendit tantos patres
Sequi per iustitiam.

2 a. Sanctus hic in puritate,
Fide, spe et caritate
Trinitatem coluit,

2b. Mundum spernens, carnem
frenans,
Inimicum sic refrenans
Possidet, quod voluit.

3 a. Nam in caelis nunc beatus
Prima stola iam dotatus
Regem cernit gloriae,

3 b. Quem contemplans iucundatur,
Omni bono sic dotatur,
Expers est miseriae.

4 a. Ergo, fratres, teneamus

Viam huius, quem laudamus
Iubilando vocibus,

4 b. Ut in caelo collocemur,
Cum de mundo educemur
Eius sanctis precibus.