PISAUREN. 355

enim parochiani rurales separati, dismembrati atque ab omni eura et iurisdictione prioris S. Cassiani avulsi dicuntur, at- que novo parocho omnimoda facultas, potestas, auctoritas, exercitium, cura, praeeminentia, iurisdictio, onera et hono- res absque ullo discrimine assignantur. Hoc posito, pleno alveo fluere autumat, novum parochum omnimoda iura exer- cere debere super suo territorio, inter quae est ius colligendi decimas praediales, quae illi parocho debentur, in cuius di- strictu sita sunt praedia, vel intra cuius fines pascuntur animalia; ex quorum foetura dantur. Cap. 4 De decimis, lib. III Decret, tit. 30 cap. 13 et 16. Cuius iuridicae di- spositionis ratio exhibetur, iuxta patronum, a cap. 15 eius- dem tit.; ut explicat Engel loc. cit. n. 6: « Quod decimae praediales illi parocho intra cuius parochiam praedia sita sint persolvi debeant, ne parochiae limites confundantur et plurimae lites subnascantur. > Idque ex eo confirmari cen- set, quia parochia S. Cassiani utpote iure matricitatis su- per paroecia loci Roncaglia omnino carens, nullimode eas sibi vindicare potest. Sane adnotat, de huiusmodi matricitate nullam fieri mentionem in decreto dismembrationis et ere- ctionis novae paroeciae, a quo imo potius contrarium erui fas esset. Siquidem in eo facta fuit potestas fontem baptis- malem erigendi in nova paroecia, qua idcirco quaelibet ma- tricitas ablata fuit, cum haec adamussim probetur susceptione baptismi in primaeva ecclesia, quae vult retineri ut mater, ad quam omnes accedere debent,

Insuper competere ius colligendi decimas praediales pa- rocho Roncaleae, ex eo eruit defensor, quia hic subrogatus est parocho ecclesiae S. Cassiani, ut ex decreto erectionis patet. Ibi enim illi omnia onera paroecialia attributa fuere, quibus commoda etiam respondere debent, cum irrationabile sit, patronus ait, ut unus supportet onera, et alter in nostro territorio colligat fructus et mercedem laborum, quos nos sustinemus.

At praeterea idem evincere nititur ex congruae defectu. Affirmat enim parocho Roncaleae, nec eam summam scuta-