Congregationis Pretiosissimi Sanguinis 357

Ast posito etiam iurisdictionem universam Capitulo, sede

vacante, devolutam in Vicarium Capitularem transferri, dubium

tamen posset excitari, non facultas, de qua agitur ad Capi-

tulum et per ipsum ad Vicarium devolvatur. Barbosa habet

pro regula generali quod a Capitulo sede vacante exerceri

possit « omnem potestatem, administrationem et iurisdictionem

« Episcopalem ordinariam, exceptis casibus, quae vel ex iure

« in contrarium exprimuntur, vel ex aliqua ratione concludente

« pro expressis habentur ».

Sed non est obliviscendum regulam hanc, a pluribus docto-

ribus sequutam, pati limitationem, quoties praedictae iuris-

dictionis exercitium, absque ullo praeiudicio et periculo com-

mode differri queat in tempus Episcopi futuri successoris.

Quibus in casibus dicendum videtur, Vicarium Capitularem

seipsum debere ab ea exercenda abstinere. Quae limitatio

apprime locum obtinet cum agatur de re non levis momenti,

aut de invehendo aliquid novi in Dioecesim ; postremus enim

hic casus pro expresso in iure haberi quodammodo potest sub

generali sanctione: «Ne sede vacante aliquid innovetur».

Hisce addendum est quidquid in subiecta materia obser-

vavit Emus Ledochowski in sua informatione et voto quoad

nonnullos supplices libellos, S. Indulgentiarum Congregationi

porrectos ab aliquibus Germaniae Dioecesibus. Exposcebatur

in iisdem dispensatio a conditionibus pro erectione Confra-

ternitatum requisitis per Constitutionem Clementis VIII 1 et

per decreta Pii IX, ob tristissima adiuncta in quibus res

Catholicae Religionis inibi versantur. Haud consilium darem,

aiebat praelaudatus Emus, pro dicta dispensatione, eo quod

in Dioecesibus novorum Sodalitiorum erectio, quorum finis

moralis et religiosus sit, res maximi momenti est ; neque facile

Episcopi interventus posthaberi queit. Quapropter in casu

1 Videsis Vol. VIII, pag. 277 et seqq. quo loco relatae fuere partes Bullae Clementis VIII quae Confraternitates respiciunt. Decreta Pii IX innuunt, inter alia, quod Confraternitates institui possint quovis loco, annuentibus tamen Locorum Ordinariis