ORDINIS MINORUM ETC. 357

sivisse, quum implere neglexerint conditionem quoad regulas Recessus strictioris observantiae. Nam iussu Regis anno 1841 s. Antonii Ecclesia concessa fuit Minoribus Observantibus, hisce tamen sub conditionibus, quas Episcopus illius temporis ratas habuit:

I o Quod religiosa familia ibi constituatur cum regulis Recessus strictioris observantiae.

2° Quod usque dum Communitas constet sex Sacerdotibus totidemque conversis et tertiariis, paroecia permanere posset in Ecclesia Coenobii, qua uti poterunt etiam Religiosi.

3° Quod etiam cum paroecia restituta fuerit in Ecclesiam s. Mariae Gratiarum, parochus facultatem habeat celebrandi in Ecclesia s. Antonii, pro opportunitate, solemnitatem Corporis Domini, s. Protectoris, et Feriae V in coena Domini, absque praeiudicio quoad religiosorum functiones.

Praeterea haud veritati niti, ait Episcopus, Patres Conven- tuales, aere proprio, Ecclesiam et Coenobium s. Antonii condi- disse. Nam pluries Municipium asseruit vindicavitque iura propria super utroque; quae iura, aliquo modo, probata fuere cum legitimus Princeps anno 1838 permitteret, ut Municipium Observantibus Fratribus Ecclesiam concederet et Conventum.

Perperam a Minoritis obiici, Ordinarium pro tempore haud potuisse conditionis implementum, quoad regulas strictioris ob- servantiae, curare. Id enim pugnat contra dispositum a Trid. Sess. 25 cap. 1 et 22 de Regul. et Monialib. et a summis Pontificibus Clemente VIII, Urbano VIII, Innocentio X, Alexandro VII et Innocentio XII, qui Decretum confirmavit s. Congregationis super disciplina regulari die 18 Iulii 1695 §. 9: « Porro ne regularis » disciplina, dum in conventis iam erectis statuitur, relaxetur » in erigendis, et quod una ex parte construitur simul ex altera » destruatur, s. Congregatio, Sanctitate Sua similiter approbante, » statuit atque decernit, nulla in posterum Monasteria, Collegia, » domos, conventus, aut alia Religiosorum virorum loca fun- » dari, erigi aut quovis modo institui debere, nisi sub expressa » obligatione exactae vitae communis, ab omnibus Religiosis ibi » commorantibus perpetuo et inviolate servanda etc. » Et s. Con-