358 EX S. C. CONCILII

eise ad hoc matrimonium incussi, ipsamque invalidum prae- stitisse consensum ».

Cum vero anno insequenti compertum esset virum sub nomine Caroli Hennequin in civitate Bonaerensi degere, de mandato S. C. C. vir eiusque testes excussi fuere, qui o- mnimode testibus a muliere inductis contradixerunt. Quapro- pter iudices in tanta testium contrarietate, nescientes re- rum veritatem perspicere, latam sententiam nec cassare nee confirmare ausi sunt.

Hisce in rerum adiunctis causa S. C. Conc. Tribunali discutienda proponitur ; et oratrix per adlectos patronos ostendere satagit suum matrimonium ob impedimentum vis et metus nullitate laborare.

Disceptatio Synoptica.

DEFENSIO MULIERIS. Oratricis patrocinatores duo in capita quaestionem dispescunt ; cumque testes ex utraque parte pro- ducta sibi invicem pugnent, in primis animadvertunt ad ve- ritatem detegendam, eorundem testium auctoritatem esse attendendam.

Iamvero, inquiunt, si praesertim ex probitate testis cu- iusque auctoritas aestimatur, nemo anceps haerere potest, num familia mulieris eiusque testes, an familia viri men- tita sit. Familia mulieris, cuius caput Achilles ad supre- mos pervenit honores in exercitu Belgico, inter praestan- tiores recensetur illius regni familias, summaque apud o- mnes gaudet aestimatione. Testes insuper ab Actrice produ- cti, ii sunt quos peierasse nefas est supponere. Contra Gens viri, linea praesertim Gallica, cum bona quibus fruebatur profudisset, pravis moribus ac vitiis eo humilitatis devenit, ut Carolus in Americam aufugiens suum ipsum nomen olim adeo insigne, erubuerit. Re sané vera plerique ex hac fa- milia sive e linea Belgica sive e linea Gallica ob furta pa- trata, exercitu expulsi sunt. Ita Aloisius et Paulus comi- tes Caroli consobrini, quorum alter inter testes recensetur belgico exercitu eiecti sunt, eo quod pecuniam aliis debi-