DISTRIBUTIONUM 359

batur, sed ex Bulla Xisti V contrarium potius inferri debet; idque probat disertis verbis.

Ut tandem reprobetur modus computandi vacationes, satis est prae oculis habere decretum S. C. C. in Aquilana lib. 8 decret, pag. 192 a tergo. « Sacra Congregatio censuit ad con- » statuendum servitium novem mensium non esse colligendas » punctaturas, quasi ii qui novem punctaturarum ex duodecim, » quae ex servitio totius anni condantur, deserviendo tulerint, » servitio novem mensium debito susceperint, sed ipsos dies » residentiae et servitii, sive continui fuerint, sive interpolati, » numerandos esse ut numerum compleant dictorum mensium. » Nec aliter deduci valet ex Mexicana sup. cit. de anno 1854; quandoquidem si in iure constitisset quod vacationes per puncta computari possent, haud certo S. C. C. usa fuisset formula illa facta facultate quae potius gratiam indicare videtur, quam iuris explanationem.

Quamobrem ex dictis, preces Capituli postulantis indultum percipiendi distributiones in bimestri vacationum, ipsasque com- putandi per puncta, reiiciendae viderentur, quia talis gratia ma- gnum iuri communi vulnus infligeret.

Quibus obiter expositis, dirimenda proposita fuere

I. An articulus Constitutionum mandans ut uno puncto mul~ detur absens a Matutino cum Laudibus, sustineatur in casu.

II. An modus mulctandi uno tantum puncto Canonicum, qui vacat a Missa Vigiliae vel Feriae, vel a testatoribus deman- datae , nec non ab hora his Missis praecedente sustineatur in casu.

III. An Canonici per bimestre tempus vacationis absentes a choro valeant participare de distributionibus in casu.

IV. An bimestre vacationis computandum sit ex numero punctorum, vel potius dierum in casu.

Et quatenus negative.

Y* An et quomodo oratoris Capituli precibus annuendum sit

in casu.