INFORMATIO 359

gorem tenuit, quadragesimalia eorum ieiunia rite servavit, tunicam quam

die non poterat, noctu, humi cubans, gestabat. Sacris rite initiatus or-

dinibus, anno 1818, in festo SSmae Trinitatis die, maxima pietate et

humilitate primum Sacrum obtulit. Sacerdos effectus in immensum eius

caritas efferbuit, qui sese multiplicare, ut ita dicam, optasset quo sa-

tius ardenti, qua rapiebatur, caritati faceret. Nulla fere est Romae pia

Societas, aut collegium quod sedulam eius operam studiumque non

senserit. Ubique ipse verbum Dei praedicare, confessiones audire, om-

nibus se omnia facere, re et consilio praesto omnibus esse. Ad exteras

etiam dissitasque plagas caritas eius pertinuit , et exteris Missionibus

omnem curam impendit.

Quid vero dicam de eius assiduitate ac zelo in sacro audiendarum

confessionum munere deque maximo, quem inde tulit, fructu? Ferreus

ipse atque humanae veluti fragilitatis expers videbatur , adeo in illis

audiendis, sui oblitus , impastus , labore fessus , sudore madens, dies

noctesque integras perstabat. Omnes eadem amabilitate , et suavitate

excipiebat, omnes amantissime alloquebatur et ab omnibus etiam per-

vicacioris ingenii in maloque obstinatis hominibus doloris lacrymas eli-

ciebat. Cum Rector ad Aedem Spiritus Sancti Neapolitanorum renun-

tiatus fuisset, fidei per universum orbem propagandae zelo succensus,

Congregationis domi suae fundamenta, piis, eademque caritate ferven-

tibus adhibitis viris, iecit. Finem eidem statuit Fidem et caritatem inter

Catholicos excitare et utramque inter haereticos et infideles propagare,

ut cito fiat unum ovile et unus pastor.

Vix orta pia Societas, admirationem omnium statim in se convertit.

Quare factum est, ut primo Emus Cardinalis Odescalchi Urbis Vicarius

eam cumulatissime approbaret, et paulo post ipse S. P. Gregorius XVI

piam Societatem, sub S. Sedis auspiciis positam, sua approbatione mu-

niverit, et cuiusque coetus ac conditionis homines , plurimi quoque

S. R. E. Cardinales sub eius vexillis militare gauderent, et Collegia,

Seminaria, Religiosae familiae, Canonicorum coetus ei certatim nomina

darent.

Sororibus quoque, quae est altera piae Societatis, classis exerendae

caritati statim patuit campus. Nam anno 1837, in regione quae a San-

cta Agatha nuncupatur fundata est prima caritatis domus , ubi puellis

periclitantibus pateret perfugium , et pia civilique institutione imbue-

rentur. Hanc altera sequuta est ad Clivum s. Honuphrii. Altera quo-

que Velltris fundata, quam paucis ante suum obitum annis, Dei Servus

instituit.

Instituta pia Societate, a laboribus quos susceperat, non destitit Dei