360 EX S. G. CONCILII

res seditiones, quas ipse ait secuturas esse ex divisione pa- roeciae. Cum igitur Sacerdotes et oppidani recursum ha- buerint ad S. C. Congregationem, Episcopus de sua senten- tia et voto percontatus, die 24 Iulii 1901 haec retulit, pru- dentius sibi videri si, pro nunc, ab expetita dismembratione supersederetur.

Rationes contra dismembrationem.

In primis Archiepiscopus memorat querelas publicas in oppido Giarre a civibus motas contra propositam divisio- nem, quum anno 1900, Ecclesia parochiali vacante, quae- stio agitari coepit de dividenda paroecia. Et revera extat in actis epistola a Pro-Syndico huius oppidi ad Emum Prae- fectum S. C. C. data, in qua ipse demonstrare conatur ma- gnum incommodum obventurum fore ipsi municipio, si haec divisio decerneretur. Etenim, dicebat Pro-Syndicus , post- quam hi oppidani obtinerent sibi constitui propriam paroe- ciam, etiam obtinere conarentur divisionem municipii ut ex- inde sua oppida erigerentur in distinctum municipium. Un- de addit, cives loci Giarre certe publici ordinis subversio- nes esse provocaturos ne decreta tam nefasta edantur, aut iam edita executioni dentur. Caeterum notat , municipium Giarre esse de Ecclesia optime meritum, siquidem plures impensas erogare solet in divinum cultum provehendum, praeter ea quae Vicariis Curatis tribuit pro congrua sus- tentatione.

Porro ipse Archiepiscopus advertit haec secutura esse ex divisione: 1) Municipium quod aegerrime hoc fert, non am- plius daturum subsidium, quod antea tribuebat in sacras fun- ctiones; 2) iras exorituras inter oppidanos, qui et Archi- presbytero et ipsi Archiepiscopo, divisionis facinus imputa- bunt.

Ideoque arbitratur Archiepiscopus modo satius esse su- persedeo erectioni novae paroeciae, quousque ista oppida a civili auctoritate in distinctum municipium erecta sint.