361

DECRETUM ROMÀNA

BEATIFICATIONIS ET CANONIZATIONIS

VEN. SERVI DEI

E COETU SACERDOTUM SANCTAE G A L L A E

SUPER DUBIO

« An sit signanda Commissio introductionis Causae

in casu et ad effectum de quo agitur? »

Benignus Deus, qui ad excolendam vineam suam quovis tempore impigros mittit operarios, elapso saeculo in hac Alma Urbe excitavit servum suum Ioannem Andream Parisi, angelicis ornatum moribus atque animarum zelo conspicuum. Hic Romae natus anno MDCC , atque inter Cappellanos qui Toletani nun- cupantur ad sanctae Mariae Maioris cooptatus, ad sacerdotalem dignitatem a sa. me. Benedicto XIII evectus fuit. Interea coetui Presbyterorum sanctae Gallae nomen ded i t , in quo seipsum praebuit exemplum praeclarissimorum operum, praesertim in pauperibus evangelizandis, prout pii illius coetus instituta fe- runt . De cuius eximia morum innocentia, deque ferventissima chari ta te , qua pueros fidei rudimenta edocuit, qua devios ad rectum christianae vitae tramitem reduxit, splendidum sane tra- didit testimonium beatus Ioannes Baptista De Ross i , qui Dei Famulum sacri ministerii socium habuerat. De eo autem, qui amabat nesciri et pro nihilo reputari, ipsemet Beatus quamplura potuisse referre professus est, si tantae virtutis altitudinem in- trospiciendi divinitus sibi par datum fuisset lumen.

EX 8. CONGREGATIONE RITUUM