358. De sanctis Virginibus.

1 a. Laetabundi iubilemus,
Agno sponso decantemus
Ori, mente consona;

1 b. Matrem sponsi collaudemus
Et virginum declaremus
Laudes voce resona.

2 a. Agnes, agno viscerosa,
Flos lilii, rubens rosa,
Agni sponsa celebris,

2 b. localia pretiosa

Spernit ut dona lutosa
Cavens ab illecebris.

3 a. Katberina praevia
Cum summa scientia
Confudit doctores.

3 b. Lucia, Caecilia
Eradicant vitia
Seminantes mores.

4 a. Agatha, dulcoris stilla,
Praeciditur in mamilla,
Sed in caelo iubilat.

4 b. Contempta praesenti vita

Margareta margarita

Pretiosa rutilat.

5 a. Haec est Hester praeelecta,
Naaman fraude reiecta
In ipsum interficit.

5 b. Haec est Rachel praedilecta,

Fortis ut Iudith effecta

Holofernem deicit.

6 a. Ursula, Christo devota,
Ecclesiae non ignota
Cum suis sodalibus,

6 b. Barbara gente commota
In sanguine suo lota
Fulget in caelestibus.

7 a. Hae cum aliis sequentes
Agnum sponsum, respuentes
Corporales nuptias

7 b. Nimio zelo ferventes

Tyrannosque contemnentes
Et mortis angustias.

8 a. Laudes ergo virginibus

Cum Christo triumpbantibus
Decantemus,

8 b. Ut pulsis culpae faecibus
Cum ipsis in caelestibus
Habitemus.