362 DECRETUM

Neque diversum ab eiusmodi b. Ioannis Baptistae testimonio de hoc innocentissimo iuvene tulere iudicium, quotquot eius conversatione et alloquio perfrui potuerunt. Quapropter nedum magnam sanctitatis opinionem adhuc vivens Ioannes Andreas sibi comparavit, sed haec post eius obi tum, supervenientibus prodigiis, uti ferebatur, a Deo servi sui intercessione patratis, nobilitata succrevit. Quae Sanctitatis fama veluti a patribus in filios derivata, ac potissimum penes Sacerdotes Coetus sanctae Gallae vivida permanens, ad hanc nostram aetatem integra per- severavit.

Hinc factum e s t , ut Rmus Dominus Petrus Villanova Ca- stellacci Patriarcha Antiochenus, huius Causae Postulator consti- tutus , fervidissimis Sacerdotum sanctae Gallae votis satisfaciens, sedulam navarit operam, ut novae adornandae Ordinariae Inqui- sitioni super eiusmodi Servi Dei fama Sanctitatis vitae, Virtutum et Miraculorum manus apponeretur, cum prior Inquisitio usque ab anno MDCCCXLI coepta, amplius reperiri non potuerit.

Itaque altera hac Inquisitione rite expleta, a sa. me. Pio Papa IX indultum fuit, ut Dubium signaturae Commissionis In- troductionis Causae praedicti Ioannis Andreae Parisi ageretur in Congregatione sacrorum Rituum Ordinaria, absque interventu et voto Consultorum , etsi nondum elapso decennio a praesen- tatione Processus Ordinarii in Actis eiusdem sacrae Congrega- tionis, neque adhuc ipsius Servi Dei scriptis de more perqui- sitis atque examinatis. Eapropter Emus et Rmus Dominus Car- dinalis Miecislaus Ledochowski, huius Causae Relator, ad instan- tiam praefati Rmi Postulatoris, attentis postulatoriis litteris plu- rimorum Emorum et Revmorum sanctae Romanae Ecclesiae Cardi- nalium, Rmorum Antistitum sacrorum, nec non aliorum Virorum tam ecclesiastica quam civili dignitate praestantium, in Ordi- nariis sacrorum Rituum Congregationis comitiis, hodierna die ad Vaticanum habitis, sequens Dubium expendendum proposuit; ni- mirum: An sit signanda Commissio introductionis Causae in casu et ad effectum de quo agitur?

Emi porro et Rmi Patres sacris tuendis Ritibus praepositi, omnibus accurate perpensis, auditoque voce et scripto R. P. D. Laurentio Salvati sanctae Fidei Promotore, rescribendum cen- suerunt : Affirmative seu signandam esse Commissionem, si San- ctissimo placuerit. Die 12 Iunii 1880.

De quibus omnibus facta postmodum per infrascriptum Secreta-