362 INFORMATIO Cum igitur in S. D. tantus esset Christianae Fidei sensus atque

opinio, dici vix potest quantum animo caperet dolorem, tot homines in

terris ab ea procul errorum tenebris involutos versari. Quoties defiere

visus est, hanc animo repetens miseram infidelium coecitatem, quoties

etiam pro eorum conversione vehementissimas fudit preces, lumenque

divinitus imploravit ! Haec autem studiosissima erga Fidem voluntas in

D. S. neque iners fuit, neque animi desiderio circumclusa, quin imo

exterius erupit , maxime efficax fuit, et ita operibus comprobata, ut

tota vita eius et spiritus huic sanctissimo ministerio dicata ac plane de-

vota dici debeat.

Verum ut cetera persequantur quae fidem ex cordis affectu decla-

rant, nobis sese exhibet singulare prorsus studium quo S. D. semper

efferbuit divinae promovendae gloriae , quam unice in suis operibus,

ceterarum rerum omnium contemplor egregius , quaesivit ; hoc enim

studium ex habitu Fidei ortum habet. Hinc quae scriberet omnia hunc

praeseferebant titulum « Ad infinitam Dei gloriam » et quemadmodum

cogitationum omnium et operum unus ei erat finis et obiectum Deus,

ita illius gloriae unice studuit, impedimenta removens, et vias perse-

quens omnes quibus divinum decus augere posset.

Maxima haec quidem heroicae Fidei indicia ; sed illud accedit prae-

stantius argumentum, paratus nempe animus perpetuum martyrium pro

Dei gloria subeundi. Haec autem voluntas nedum sublimis est et he-

roica, sed martyrio ipsi facile comparanda: ut enim monet S. Cypria-

nus de dup. martyr, ad Fortunatum. col. 25 § 35 - Haec prompta

voluntas pro martyrio reputabitur. Deus enim non aestimat quem-

quam ex eventu rerum, sed ex affectu.

Quae de cordis affectu huc usque disputavimus , eximia profecto

sunt heroicae Fidei argumenta ; quid si iis aliud luculentissimum ad-

dimus ex summa pietate ac religione qua D. S. in recolendis Fidei

mysteriis, Trinitatis praecipue , Incarnationis ac Redemptionis fereba-

t u r ? Nam Vincentius noster cum puer adhuc esset ad revelata Chri-

stianae Religionis mysteria praecipuo cultu ac veneratione prosequenda

se contulit, crevitque semper in eo fervens huiusmodi studium, ut iis

praesertim diebus quibus ab Ecclesia alterius ex alicuius mysteriis me-

moria recolitur, ipse sive vultus hilaritate sive moestitia, internos animi

sensus quos sacris ipsis mysteriis attemperabat, patefaceret, coeterosque

fideles ad pietatem exemplo suo et voce excitaret.

Sed mihi de pietate et religione qua Dei Servus mysteria Fidei

prosequutus est, dicere aggresso , sponte ante oculos sese offert so-

lemne Epiphaniae octiduum, quo hanc suam pietatem erga Dominicam