362 PISAUREN.

sas et lites transactionibus legitimis finitas imperiali rescri- pto resuscitari non oportet: » et ex iure canonico cap. II de Transad. « Statuimus ut si super decimis inter vos et aliquam personam ecclesiasticam, de assensu Episcopi vel Archiepiscopi sui, compositio facta fuerit, rata et inconcussa persistat. > Quare doctores unanimiter tradunt eam esse naturam iuridicam transactionis, ut aequivaleat liti finitae et rei iudicatae, quae pro veritate solet haberi.

Praeterea in casu requisita pro transactionibus a iure non defuisse, apparet ex iis quae superius fuerunt exposita, cum, quidquid hodiernus parochus eiusque patronus affirment, certum sit factam fuisse post motam a parocho Pagini li- tem et haudquaquam super certo ipsius iure. Unde de illius valore omne dubium recedat necesse est, praesertim eum exemplar concordiae S. C. fuerit exhibitum, et rescriptum Episcopo tamquam mixto executori fuerit remissum, additis illis clausulis, quae iudicium aliquod et inquisitionem ab Or- dinario faciendam secumferunt. Successores autem contra- hentium inita transactione obstringi, saltem ob S. C. au- ctoritatem, quae in casu accessit certum est. Ceterum dato etiam et non concesso, quod aliquis defectus admissus fuis- set, modo ex hoc capite post tanti temporis intervallum concordia impugnari non posset ; Antonelli De tempor. legal. c. 100 n. 1. Pax Iordanus Elucubr. divers. I. 14 tit. 24 de praescr. n. 443.

Perperam vero parochum Franca ad congruae defectum confugere autumat prior S. Cassiani. Percipit enim, praeter viginti sextarios frumenti, annua scutata 40 in numerata pecunia, quibus si reliqui certi reditus addantur, summa scutatorum 172, idest quantitas tridentina congrua maior, procul dubio obtinetur.

Quod vero spectat fontis baptismalis erectionem, praemit- tendum est, eam ad paroeciae essentiam non pertinere, ceu docet Gonzalez ad reg. 8 Cancel. De Luca De parochis disc. 37 n. 1. Barbosa De iure eccles, lib. 2 cap. 1 n. 23 et ipsa etiam S. Tridentina Synodus innuere videtur Sess. 21