362

C A N T O N I S T I C I N I

POSTULATUM EPISCOPI

CIRCA CAPITULI CATHEDRALIS CONSUETUDINEM

IN SERVITIO CHORALI

Die 17 Augusti 1895. Per summaria precum.

COMPENDIUM FACTI. Ordinarius Dioecesis Ticinensis in relatione status suae Ecclesiae S. C. C. transmissa , die 4 Februarii 1895, sequens exposuit postulatum :

« In mea relatione, anno 1891, mense Ianuario exhibita, expostulaveram :

« An posset conservari consuetudo quae in Cathedrali S. Laurentii Lugani invaluerat, ut Missa Conventualis, solis diebus festis de praecepto, etiam suppressis , caneretur ; et reliquis diebus legeretur, dum in choro parvae horae recitan- tur. Quatenus consuetudo non sufficeret, rogabam ut speciale indultum ad hoc concederetur; quia canonici pauci sunt, et quidam ex iis vel in Seminario Lectores, vel in Curia Epi- scopi officiales sunt ; qui ideo nec bene nec sine gravi diffi- cultate possunt iis muneribus obire, si diutius in choro te- nerentur impediti. »

« II. An posset conservari consuetudo supradicti Capi- tuli Cathedralis canendi diebus Sabbati, loco Missae officio diei respondentis, Missam Votivam B. Mariae V . , ad quam Capitulum obligatur ex quodam Legato; aut Missam pro defunctis quoties aliqua ex causa canenda sit , ex. gr. ob funera aut anniversaria , ita ut Missa Conventualis Officio diei respondens ab alio Canonico, qua libuerit hora, absente Capitulo, celebretur. »

« III. An tolerandum esset quod toto tempore hiemali cum horae canonicae recitentur in Sacristia interiori, Missa conventualis celebretur in Ecclesia, hora libera, quin Cano- nici eam audiant. »