362 EX S. G. CONCILII

His praeterea addenda est, addunt oratores, praxis S. C C . quae consuevit commendare et confirmare dismembrationes et parochiarum erectiones, ut videre est in Aqüitanen. 17 Mart. 1827 Fulgitanen. an. 1729, non obstante oblatione facta providendi per cappellanos coadiutores, ceu testantur resolutiones editae in Comen. 2 Dec. 1750, Nolana 3 Fe- bruarii 1758. Ea potissimum ratione, quia plenius satisfit magno incommodo per erectionem novae parochiae, quam per cappellani, eaque in casu magni incommodi mens esse videtur Conc. Tridentini.

Insuper suam thesim oratores confirmare conantur ex aucto incolarum numero. Nedum, inquiunt, habentur in casu decem familiae a canonibus requisitae; c. 3, Caus. 10, q. 3 « Ut Ecclesia, quae decem habuerit mancipia, super ea ha- beat sacerdotem, quae vero minus decem mancipia habuerit, aliis coniungatur Ecclesiis » , sed oppidum S. Ioannis et S. Alphii subditos numerat ad septem millia, qui propter di- stantiam a parochiali Ecclesia loci Giarre saepissime ad sacras functiones et maxime ad sacramenta convenire ne- queunt. Praeterea oratores conquerunt quod a Parocho non cognoscantur, dum Concilium Tridentinum mandat Episcopis pro salute animarum, ut distincto populo in certas et proprias parochias assignent unicuique proprium et peculiarem paro- chum, qui eas cognoscere valeat. (Sess. 24, De ref. c. 13).

Eo vel magis, urgent oratores, dismembratio decernen- da est in casu, quia constat ex actis nihil deperire Eccle- siae parochiali loci Giarre et nihil deesse erigendae eccle- siae. Legitur enim in « Acta S. Sedis vol. 12, p. 2 9 3 : « Antiquae ecclesiae nihil deperire dici potest, si post dis- membrationem ad eundem statum redeat, in quo erat ante- quam populi augmentum inciperet . - Erigendae ecclesiae nihil deesse intelligitur, cum ipsa omnia parata habeat, ut saeculari curae inserviat, et congrua dote ad finem eundem fuerit ditata ». Cum igitur concludunt oratores, utrumque adamussim verificetur in casu, omnia suadent ut expetita dismembratio decernatur.