DECRETUM 363

rium sanctissimo Domino Nostro Leoni Papae XIII fideli relatione, Sanctitas Sua sententiam sacrae Congregationis ratam habuit et confirmavit ; propriaque manu signavit Commissionem Intro- ductionis Causae ven. Servi Ioannis Andreae Parisi praedicti die 24 iisdem mense et anno.

D. CARD . BARTOLINIUS S. R. C. PRAEFECTUS

Loco gg Sigilli.

Placidus Rolli S. R. C. Secretarius.

D i s c e p t a t i o § y s a o p t i e a .

COMPENDIUM VITAE SERVI D E I . Dies 21 Novembris anni mil- lesimi septingentesimi, qua B. Mariae Virginis in templum prae- sentationis memoria recolitur, Dei Famuli natalis fuit. Romae in hac civitate totius religionis principe exortus, parentes habuit magis christiana pietate quam opibus illustres, Caesarem Parisi et Mariam Locatelli, qui tertio calendas Decembris infantem ba- ptismali lavacro ablui curarunt in insigni s. Mariae ad Trans- tyberim Basilica, Ioannis Mariae Andreae nominibus impositis; ut ei sacer esset qui primus inter Christi asseclas virginitatem coluit, et ipsa appellatione memoraret tum Beatae Virginis fe- stum quo in lucem editus erat, tum Apostoli illius solemnitatem, cuius pervigilio salutaris pueruli regeneratio contigerat. Optimam a piis genitoribus educationem natis omnibus ab ineunte aetate traditam uberes coelestis benedictionis fructus subsequuti sunt. Tres enim fratres ac totidem sorores , christianarum virtutum flores nitidissimos, Dei Servus adnumeravit; ex quibus foe- minae paterna domo monialium more degentes, virginalem pu- ritatem ad obitum usque illibatam servarunt ; ex masculis autem natu maior Ioanni Andreae fuit in sacerdotali ministerio comes; tertius genitus religiosa claustra ingressus inter s. Francisci strictioris observantiae filios poenitentissimam vitam egit , qui autem reliquus erat piissimam mulierem sibi uxorem adiungens coniugalis honestatis fulgore thalamum illustravit. Totius autem familiae adeo effusus erat sanctitatis odor, ut ipsi mire apta- rentur Ecclesiastici verba « Illi viri misericordiae sunt, quorum pietates non defuerunt : cum semine eorum permanent bona, haereditas sancta nepotes eorum ». (Cap. XLIV v. 10, 11).