360. De sanctis Virginibus.

1 a. Rex ingressus in virgultum
Throno sedet regio,
Cuius canit ante vultum
Virginalis contio.

1 b. Iuxta regem collocatur
In stellato solio
Virgo, quae praedominatur
Virginum collegio.

2 a. Agnes agno desponsata,
Novis arrhis subarrhata,
Bysso mundo decorata,
Prima sponso iubilat.

2 b. Velut apis fructu grata,
Foris intus illibata,
Rosis vernis coronata
Caecilia rutilat.

3 a. Vas redundans oleo,
Rore candens lacteo,
Trino dives aureo
Gaudet Katharina.

3 b. Agatha cum cuneo
Decantat virgineo:
Mammas sanas habeo
Sponsi medicina.

4 a. Lucia mirabilis,

Columna non mobilis,
Turris invincibilis
Cum sponso laetatur.

4 b. Clara clarens titulis,
Praepotens miraculis,
Indefessis modulis
Sponso modulatur.

5 a. Margaretam imbuit

Ros supercaelestis,
Cuius vita canduit
Moribus honestis;

5 b. Nihil sibi nocuit

Draconina pestis,

Frui sponso meruit

In aeternis festis.

6 a. Sponsae, nos ad crimina
Curvat mundi restis,
Fundite precamina
Pro nobis molestis,

6 b. Ut sponsus et domina
Tutos a funestis
Nos ducat ad agmina,
Cum quibus vos estis.

Nachtrage und Berichtigiuigen.

ANALECTA HYMNICA

MEDII AEVI.

Herausgegeben
von

Clemens Blume und Guido M. Dreves.