Sermo II .

Item, sermo fratris Bonaventurae Fratribus Parisius, in Capitulo.

Confide, filia, fides tua te salvam fecit, Matthaei nono .

In his verbis spiritualiter intellectis duo facit clemens Salvator noster: primo, dat fiduciam infallibilem reconciliationis: secundo, relaxat iniuriam universalis offensionis.

I. Circa primum nota, quod confidere vere debemus ut filii de Dei indenegabili misericordia: propter pretium redemptionis effusum; Ioannis decimo sexto : Confidite, ego vici mundum: Marci sexto: Confidite, ego sum: nolite timere.

Propter donum sanctificationis infusum; leremiae decimo septimo: Benedictus vir, qui confidit in Domino, et erit Dominus fiducia eius. Et erit quasi lignum, quod transplantatur super aquas, quod ad humorem mittit radices suas.

Propter lavacrum regenerationis superinfusum; Matlhaei nono: Confide, fili, remittuntur tibi peccata tua.

De Dei iustitia inobligabili: per fidelitatem animi quoad Deum; Sapien tiae tertio : Qui confidunt in illo intelligent veritatem, et fideles in dilectione acquiescent illi, quoniam donum et pax est electis eius.

Per securitatem iudicii quoad proprium animum; Isaiae quadragesimo: Qui sperant

in Domino mutabunt fortitudinem, assument pennas sicut aquilae, current et non laborabunt, ambulabunt et non deficient. - Per liberalitatem beneficii quoad proximum; Tobiae quarto : Fiducia magna erit coram summo Deo eleemosyna omnibus facientibus eam.

II. Circa secundum nota, quod fides salvat hominem per remissionem universalium peccaminum: Actuum decimo quinto : Fide purificans corda eorum. - Per immissionem sapientialium luminum: Lucae decimo octavo: Respice: fides tua te salvum fecit. Et confestim vidit.

Per infusionem spiritualium charismatum: ad Hebraeos decimo: Accedamus cum vero corde in plenitudine fidei, aspersi corda a conscientia mala et abluti corpus aqua munda.

Per directionem irreprehensibilium operum: Habacuc secundo: Iustus in fide sua vivit.