364 INFORMATIO orando desisteret, ad Angelos se convertens eos exorabat, ut preces

suas ad tronum divinae maiestatis afferrent. In Angelum autem custo-

dem suum eximium eius obsequium et fides.

Sanctos coelites summa ipse pietate obsequebatur sibique patronos

elegerat, praecipue vero Sanctum Iosephum , cuius plures imagines

exteris missionibus dono dedit , et ss. Apostolos, quibus Congregatio-

nem suam commendaverat, et quorum festum diem, praemissis noven-

dialibus celebrari, et in eius pervigilio ieiunium a suis observari voluit.

Animas fidelium defunctorum quas peccati adhuc macula leviter

notat, purgatorio igni torqueri iisque posse nos levamen aptis operibus

afferre, firmissime credidit. Idcirco eximia in eos caritate ductus vir

Sanctissimus neque opere, neque verbo unquam destitit , ut eas iuva-

ret utque ceteri eadem in defunctos pietate caperentur.

Studiosissimus semper fuit in ritibus et caeremoniis ecclesiasticis

adamussim servandis; et in se suisque omnibus ad ecclesiasticae disci-

plinae normas conformandis. His de rebus patienter suos piis habitis

disputationibus docebat, ut omnia accurate, et iuxta legum praescri-

ptum exequerentur.

Quemadmodum vero corda hominum potiori nullo dignoscuntur in-

dicio, quam ex operibus, utpote quae a corde profecta nobis manife-

stantur, ita nullum validius ad evincendum cordis affectum S. D. erga

Fidem afferri potest argumentum , quam praeclara eius opera et vitae

ratio ; ut ait Petrus Blessensis C. 2 de charit. - Sicut vitam corporis

ex motu dignoscimus, ita ex operibus bonis vitam fidei comprobamus. - Quod cum ita sit heroicam fuisse oportet Fidem S. D. qui christianae

legi Evangelicis conciliis et muneris sui partibus tam accurate satisfecit,

ut ne levis quidem colpae aut vitii, quod suo loco monstrabimus,

redargui unquam potuerit. Nec solum rigidus ipse fuit Christianarum

legum custos, sed eas a ceteris quoque custodiendas sedulo curavit.

Cum de heroica fide servi Dei ex cordis effectu dictum fuit aliquid

insimul animadversum est de fide S. D. ex oris famulatu. Ut res ta-

men intimius inspiciatur breviter observatur Servum Dei ore semper

esse professum quod corde credebat. Sic de divinis mysteriis non in-

terdiu, non saepe sed assidue loquebatur, idque tanta animi voluptate

et ardore, ut sermonem de Deo habens, humanam conditionem exce-

dere videretur. Symbolum Apostolorum assidue in ore habebat, et in

ferventissimas plerumque erumpebat exclamaliones erga Fidei veritates.

In publicis privatisque sermonibus omnes excitabat, ut Deo gratias quam

maximas rependerent propter inaestimabile Fidei donum nobis tradi-

tum. Quam vero ipse affectu cordis Fidem fovit, aliis quoque commu-