364 PISA.UREN.

RESOLUTIO. Sacra C. Concilii re discussa sub die 29 Augusti 1891 censuit respondere:

Ad L Negative. Ad II. Affirmative.

Ex QUIBUS COLLIGES. I. Matricem, relate ad filiam vel filias, dici illam paroecialem Ecclesiam, ex cuius territorio dismembrato altera vel plures constituuntur paroeciae.

II. Matricitatem haud importare filiae vel filiarum de- pendentiam; quinimo omnino excludere; quia omnes Eccle- siae noviter erectae cum plena authonomia et iurisdictione, in iure paroeciali sunt coaequales; ita ut improprie loqua- tur qui adhibet nomen matricis vel filiae, quando Ecclesiae ab una sint dependentes cum omnimoda subordinatione.

III. Hinc facili modo deprehendi matricitatem non esse purum nomen, sed ex facto nasci dismembrationis alicuius Ecclesiae; per quod altera vel plures constituuntur paroeciae ex parte territorii et populi ipsius.

IV. Legi tamen canonicae cohaerere reservationem deci- marum favore matricis super partem vel totum territorium novae paroceciae omnino independentis a prima quoad ius paroeciale.

V. Etenim stare potest ut ecclesia filialis sit vera pa- roecia, atque in universum habeat ius parochiale, et tamen matrix ius decimandi retineat in toto territorio vel in parte paroeciae, noviter erectae.

VL Causas et quaestiones super decimis, transactionibus legitimis finitas, resuscitari non posse; et si compositio inter partes facta fuerit de consensu Ordinarii litigantium, rata et inconcussa persistit; et aequivalet liti finitae et rei iudi- catae ex unanimi consensu doctorum.

VII. In themate eiusmodi transactionem inter partes fa- ctam fuisse constat; cuius concordiae exemplar exhibitum fuit S. Congregationi, Ep. et Reg. a qua remissum fuit Episcopo pro executione; ideo tum ex auctoritate S. Con- gregationis, tum ex tanto temporis intervallo concordia im- pugnari non posset.