GANTONIS TICINI 565

Ita respondentes EE. PP. pressius inhaeserunt vestigiis constan iis , legitimae interpretationis tum ss. Rubricarum, tum ss. Canonum. Nam cum primis S. C. Rituum renovando alias edita decreta, ex oraculo SSmi rubricas Missalis R o - mani servari in omnibus et per omnia praecepit, non ob- stante quocunque praetextu et contraria consuetudine, quam abusum esse declaravit, ceu refert Fagnanus in cap. Cum creatura De celeb. Missar. n. 29. In specie vero in Oseen. 26 Martii 1592 ad dub. 7 ; in Perusinae Aug. 1766 ; in Gadicen. 22 Ianuarii 1768 et in Imolen. 7 Iulii 1759, apud Gardellini SS. R R . C. rescripsit, Missam conventualem officio diei respondentem celebrandam esse, eamque non pro lubitu sed post tertiam vel aliam horam a rubricis praescriptam; consuetudine etiam immemorabili non obstante. Demum quod Missae conventuali adesse teneantur omnes capitulares, ea lege qua tenentur Divino Officio interesse ob generale residentiae munus nemo inficias iverit: siquidem Missa conventualis est praecipua Divinorum Officiorum pars, uti planum est ; et omnibus est in confesso, prouti etiam ex ratione histo- rica inculcat Benedictus XIV in iam cit. Const. Cum semper oblatas § 14.

Sed ex adverso EE. PP. , capitulares rati sunt non ad- stringi praescriptionibus S. C. C. quia quod Episcopus postu- laverat , partim iam ipsis concessum fuerat. Nimirum per Apostolicas facultates concessas a Sacra Nuntiatura Lucernae anno 1812, prouti in documentis referendis narratum fuit, Episcopus Capituli precibus annuerat, primo ut nempe Missa conventualis caneretur tantum diebus festis, etiam suppressis, reliquis vero diebus legeretur dum horae parvae recitarentur ; secundo ut tempore hiemali, canonicis Divinum officium in Sacrario recitantibus , Missa conventualis in Ecclesia cele- braretur qualibet hora, capitularibus eamdem non audienti- bus. Non erit vero supervacaneum advertere, haec concessa fuisse Canonicis quando eorum Ecclesia nondum evecta fuerat ad dignitatem Ecclesiae Cathedralis, prouti notat Episcopus in supplici libello.