366 Friburgen.

Sed fuerint tamen verba illa, ut non explicite probata,

aliquomodo in decreto admissa ad hebdomadam veluti idem

ac octiduum significandam. Omnino recte dicitur confiteri infra

hebdomadam ante festivitatem qui id praestat infra octo dies :

nam supputatis diebus septem qui praecedunt, additoque ipso

die festo, prodit summa octo dierum qui vere ac proprie, ad

indulti tramites utiliter decurrunt ad conscientiam expiandam;

horum autem dierum primus, cohaerenter ad decretum Me-

chliniense erit octavus ante festum. Neque secus in alio casu :

loquendo siquidem de Confessione semel saltem in hebdomada

iuxta decretum 9 decembris 1763, is recte dicitur huic con-

ditioni satisfacere qui confitetur, ad minus, die octava ab alia

peracta confessione. Minime tamen ex hoc argui utroque in

casu poterit tribui hebdomadae octo dies pro septem. Quin

potius ex quo certum est, constare hebdomadam septeno die-

rum numero, necessitas oritur praedicto modo computandi

dies, qui unam et alteram confessionem, aut confessionem et

diem festum intercedunt ; hoc est computandi dies in uno casu

a die saltem octava ab alia Confessione ut verum sit eam

fieri in qualibet hebdomada ; in altero a die octava ante festum,,

ut verum sit agi Confessionem infra hebdomadam illud prae-

cedentem.

Cum igitur diversae res sint numerus dierum hebdomada

comprehensus, et numerus dierum qui computantur tum ab

altera Confessione ad alteram, tum a Confessione ad diem

festum; cum ad secundam dumtaxat referantur obiecta Mechli-

niensis decreti verba, quae ceterum supponunt hebdomadam

per se coalescere ex numero dierum septem ; superest quoad

primam solutio, quae quidem haud ambigua est, danda Anti-

stiti Friburgensi. Quaerit enim an Confessio ex decreto Cle-

mentis XIII explenda semel saltem in hebdomada, peragi debeat

infra septem vel potius infra octo dies, seu an quolibet decur-

rente septem dierum numero vel octo. Re huc deducta, idest

ad dierum numerum quibus afficitur hebdomada, profecto non-

nisi septem dies pro eadem accipere fas erit. Ac plane ipsa