366 DECRETUM

dam divesque familia, quae de conscientiae moderatoris consilio patrimonium Dei Famulo constitueret. Poterat tunc iuvenis fer- vida tot annorum vota satisfacere, et sacrorum Ordinum susce- ptione integram vitam evangelicus operarius indefessus in ani- marum salutem impendere. Quis verbis exprimere posset quo stu- dio ac ferventi oratione ad sacerdotium suscipiendum purissimum adulescens sese disposuerit ? Quo pietatis ardore Sacrum primo litaverit, atque Dominum in quem ferventissima ferebatur chari- tatis flamma sub mysticis speciebus manu gestaverit, insonti pe- ctore susceperit? Tanto incendebatur lumine vultus, tanta fulge- bat coelesti pulchritudine aspectus, ut qui aderant sibi viderentur videre non hominem sed quemdam ex supernis spiritibus praeclara nivei decoris venustate divinas aeterni Sacerdotis laudes personan- tibus. Nec prima tantum vice, sed qui eum quotidie ad aras ac- cedentem cernerent , quasi angelicum intuerentur aspectum, eximia Dei Famuli modestia ac suavissima pietate commoti, in dulces lacrymas erumpebant.

Quid dicam, quo studio sacerdotali dignitate insignitus, susce- ptos iampridem sacri ministerii labores, reliquos perbrevis vitae annos, prosequutus fuerit? Quo impenso pietatis ardore chri- stianam cathechesim ignaros edocuerit; peccatores e vitiorum coeno, verbis christianam suavitatem redolentibus, ad rectam vir- tutum semitam perduxerit ; iustis christianae religionis aditum aperuerit? Quid referam quo paterno affectu ac coelesti vultus hilaritate puerorum circumdatus corona, studuerit teñeras eo- rum mentes optimis praeceptis imbuere , atque animas mundi illecebrarum inexpertas ad divini amoris iucundissimam suavi- tatem pertrahere? Quid memorem vehementem pectoris sollici- tudinem, quo miseris se parentem praebere, alienis indigentiis pauper et ipse , quousque vires sufficerent, opi tulari , aegros vehementissimis angoribus cruciatus solari, obeuntes ad proxi- mam necem disponere in deliciis habebat ?

Ita meritis cumulatus egregiis ac sanctimoniae nomine splèn- didissimus transegit perbreve suae vitae curriculum, donec ipso iuventutis flore, iam coelo maturus iustorum obitu terrenum hoc exilium cum aeterna beatitate commutavit.

De heroicis servi Dei virtutibus.

Illibatam virtutum fragrantiam Dei Famulum, dum vitam ageret, effudisse unanimi consensione deponunt testes referentes,