366 GANTONIS TICINI

Nihilo secius in huiusmodi benigna concessione non com- prehenditur postulatum, 2 Dubio expressum; scilicet an possit servari consuetudo canendi, loco Missae conventualis, antea celebrandae, non adstante Capitulo, Missam votivam B. Ma- riae V. ; aut Missam Defunctorum. Quam consuetudinem immemorabilem, quamvis apprime Sacris Rubricis non uno nomine contrariam, tamen precatur Episcopus ut S. C. C. dignetur confirmare, ratamque habere quia est « ad Eccle- siam Cathedralem difficilis accessus, itemque parvus cano- nicorum numerus, quorum plerique senio confecti, procul, quatuor exceptis, ab Ecclesia commorantes ; et plures curae animarum et, aut Seminario aut curiae episcopali addicti ».

Quibus praemissis, quaesitum fuit quodnam dandum esset precibus responsum.

RESOLUTIO. Sacra C. C. re disceptata sub die 1 7 Augusti, censuit respondere : Attentis peculiaribus circumstantiis, ad I, II, et III, pro gratia ad decemnium, si tandiu, facto verbo cum SSmo.

EX S. CONGR. EPISC. ET REGUL.

ORANEN. ( 1 )

PROPRIETATIS ET EXPULSIONIS

Die 23 Augusti 1895.

COMPENDIUM FACTI. Exorta quaestione ex una parte inter presbyterum Iosephum Catà, qui ex Hispania in dioecesim Oranensem immigraverat, ubi Hospitium fundaverat pro pau- peribus puellis ex parentibus hispanis, et cuius directio con- credita fuerat sororibus Societatis S. Teresiae; et Curiam Oranensem, ex altera, circa proprietatem, administrationem et directionem praefati asyli, in generalibus comitiis Con-

(1) Speciem et discussionem huius causae in prima propositione vide in prae- cedenti vol. XXVI , 156.