368. De sancto Leone.
Ad Vesperas.

1. Leo, papa Romanorum,
Gemma episcoporum,

Gentium pastor cunctarum,
Speculum sacerdotum,

Sis intercessor pro nobis
Ad Deum miserrimis.

2. Ave, papa mitissime,
Ave, splendidissime,

Ave, Domini athleta,
Confessorum agmina

Qui inter sanctorum sacra
Fulgens ut sol et luna.

3. O cunctorum flos praesulum,
Mitis pastor ovium,

Peccatorum consolator.
Plebium praedicator,

Verae fidei omnibus
Ora pro cultoribus.

4. Inclite papa, populo

Preces funde pro cuncto,

Ut tua petitione

Nos aeternus pontifex

Expiatos a peccatis
Iungat coetibus almis.

5. Cunctarum urbium, Roma,
Ut sol lucidissima,

Quae doctrina es ornata
Tanti principis sacra

Et fecunditate talis
Es repleta corporis.

6. Exsultate, astra poli,
Laetare, domna caeli.

Arcbangelorumque chori,
Cum sanctis laetamini

De tauta iucunditate
Animae sanctissimae.

7. Gloriam patri vocibus
Melodis personemus.
Gloriam Christo canamus,

Gloriam paraclito,
Qui trinus et unus Deus
Exstat ante saecula.