Sermo I .

Item, sermo fratris Bonaventurae in domo Praedicatorum Parisius, coram Universitate.

Cum videritis abominationem desolationis, quae dicta est a Daniele Propheta, stantem in loco sancto, qui legit intelligat, Matthaei vigesimo quarto .

ln verbis his ad aedificationem fidelium Dominus duo facit: primo exprimit tempus persecutionis et tribulationis, quod futurum est in diebus detestandi et abominabilis antichristi: secundo inducit ad cautelam perpetuam omnem electum Dei et omnem filium Evangelii. Primum, ibi: Cum videritis abominationem desolationis etc.; secundum, ibi: qui legit intelligat.

Circa auctoritatem totam nota, quod qui vult tempora tribulationis tam antichristi quam saeculi profani, carnis et diaboli praevenire et contra eos se praemunire, oportet, eum secundum banc Dei admonitionem ad septem libros et legem scripturarum eorum vitam suam componere et ordinare in cultu et veneratione ipsorum et speculatione.

Primus liber est vitae sive praedestinationis aelernae, in quo sunt scripta nomina electorum et formae sive exemplaria omnium rationum viventium et iste liber est admirandus, venerandus, desiderandus et suspirandus; ad Philippenses quarto : Quorum nomina sunt in libro uitae.

Secundus est humanae in Christo naturae, in quo sunt scripta stigmata clavorum et passionum et omnia genera exemplorum et meritorum; et iste liber est imaginandus, inviscerandus et sicnt speculum semper prae oculis habendos: Isaiae octavo: Sume tibi librum grandem etc.

Tertius est Virginis gloriosae, caelorum reginae et Angelorum dominae, in quo sunt scripta exempla et morum et perfectionum: et iste liber est in devotione et imitatione et commendatione habendus: Matthaei primo: Liber generationis Iesu Christi etc. - Quartus liber est beatae patriae sive beatitudinis sempiternae, in quo scriptae sunt dispositiones hierarchiarum et differentiae dignitatum et praemiorum; et iste liber est contemplandus, reccgitandus et in pectore fabricandus: Psalmus : In libro tuo omnes scribentur: Psalmus: In capite libri scriptum est de me etc, dicit Christushomo.

Quintus est totius mundi creaturae, in quo sunt scripta vestigia scalaria aeternorum; et iste liber est totus totaliter in Creatoris potentiam, sapientiam et bonitatem referendus: Isaiae vigesimo nono: Erit vobis visio omnium sicut verba libri signati etc. -Sextus liber est sacrae Scripturae, in quo sunt praecepta scripta seu documenta praeceptorum et inhibitorum; et iste est amandus, rnmioandus, audiendus, obediendus et in mente portandus: Baruch quarto : Hic liber mandatorum Dei et lex, quae est in aeternum; omnes, qui tenent eam, pervenient ad vitam.

Septimus est conscientiae propriae, in quo sunt scriptae notae peccatorum et profectus meritorum; et iste liber est examinandus iugiter et a vitiorum defectibus corrigendos et in meritis colendus et conservandus: Danielis septimo: Iudicium sedit, et libri aperti sunt etc.