Sermo II .

Item, sermo fratris Bonaventnrae in Capitulo Fratrum.

Cum videritis abominationem desolationis, quae dicta est a Daniele Propheta, stantem in loco sancto, qui legit intelligat: tunc qui in Iudaea sunt fugiant ad montes, Matthaei vigesimo quarto .

In verbis his duo facit Dominus: primo invitat ad pericula praeuidenda; secundo, ad eadem praecavenda. Primnm, ibi: Cum videritis: secundum, ibi: tunc qui in Iudaea sunt etc.

Circa primum nota: quia multi multa dixerunt et, ut aliis non credatur de cetero, occasionem dederunt, supersedendum puto; de cautela vero et remedio proloquendum .

II. Circa secundum ergo nota, quod duplex est fuga, scilicet vituperabilis: et haec est reproborum, qui fugiunt a Deo placato ad Deum iratum; et haec est triplex: prima est ex infirmitate, qua fugiunt aliqui exempla virtutis: Mattbaei vigesimo sexto : Tunc discipuli omnes, relieto eo, fugerunt.

Secunda est ex stoliditate, qua fugiunt aliqui documenta veritatis: Ionae primo: Surrexit Jonas, ut fugeret in Tharsis a facie Domini. Exemplato de duobus philosophis contra documenta Antonii , qui conversi sunt.

Tertia est ex malignitate, qua fugiant aliqui medicamenta salutis: Proverbiorum decimo nono : Qui affligit patrem et fugat matrem ignominiosus est et infelix.

Commendabitis, et haec est electorum, qui " faciant a Deo irato ad Deam placatum "; et haec est fuga a peccati occasione, qua fugiunt exemplo loseph fuga expedita: Genesis trigesimo nono : Relicto in manu eius pallio, fugit et egressus est foras.

A peccati suggestione, qua fugiunt fuga victoriosa: primi Regum vigesimo primo: Surrexit itaque David et fugit in die illa a facie Saul.

A peccati perpetratione, qua fugiunt fuga accelerata: Ecclesiastici vigesimo primo: Quasi a facie colubri fuge peccata. Exemplum de columba alba, in arbore amoena audivit de terra serpentem.

Fugiendum ergo ad montes concurrentes et ducentes in unum montem summum, Christum Iesum ; ad montes, inquam, excelsae perfectionis: Ioannis sexto : Subiit in montem Jesus et ibi sedebat cum discipulis suis: Genesis vigesimo secundo: Relictis pueris et asino, ascendit verticem montis etc.

Ferventis orationis: Lucae. sexto : Exiit Iesus in montem orare et erat pernoctans in oratione Dei. - Serenae contemplationis: Exodi vigesimo quarto: Ascende ad me in montem et esto ibi. Erat autem species gloriae Domini quasi ignis ardens super verticem montis in conspectu filiorum Israel: