•368 NULLITATIS MATRIMONII

sede praetermissa, S. Congregationi Concilii causa cognoscenda remitteretur. Consentiente muliere, Episcopus processus tabulas die 5 Iunii 1868 ad S. C. transmisit, rogans SS.mum Patrem, ut « sanatis, si .quae sunt quoad formam, nullitatibus in actis (circa « quae Curiales huius parvae dioecesis usum non habent) causa « ista primaria Congregatione quamprimum definire iubeas, quia « sponsis utpote omni humana ope destitutis apud metropolita- « nam curiam instare pro secunda sententia non valentibus, prae- « sertim ea sede vacante, in longum omnia trahi necessum esset ».

At die 30 Augusti eiusdem anni per R. P. D. Seretarium S. C. C. Episcopo responsum est, opus esse, ut in prima iudicii sede ipse sententiam diceret, deindeque in S. C. pertractaretur.

Episcopus ergo, praehabitis deductionibus Defensoris ex of- ficio, die 9 Decembris sententiam de nullitate tulit, quam ad S. C. misit, atque facta rerum relatione, SS.mus in audientia diei 11 Ia- nuarii labentis anni 1869 benigne annuit, ut causa proponeretur oeconomice coram S. C. cum voto Theologi et Canonistae et cum animadversionibus Defensoris matrimonii ex officio. Praete- rea in audientia diei 15 Martii sanare actorum defectus SS.mus di- gnatus est.

D i s c e p t a t i o s y n o p t i c a .

VOTUM CANONISTAE. Tum Theologus tum Canonista expensa rerum gestarum serie in eam opinionem devenerunt, ut matri- monium nullum existimarent. Synopsim tantum dabimus Voti quod Canonista exaravit. Hic, quoniam de quaestione potius facti quam iuris esset, ab initio orationis animadvertit, tam Aloisium actorem, quam quinque testes, qui actioni partim interfuere partim de auditu norunt, atque etiam septimam hominis manum in haec capita satis convenire, I o patefactam ab Aloisio ante matrimo- nium fuisse voluntatem eidem contrariam: 2° captum eundem fuisse horis pomeridianis: 3° percussum graviter a Decurione: 4° funibus ligatum et custodia detentum: 5° militibus stipantibus ex uno ad alterum locum eductum ac reductum: 6° iisdem mi- litibus adstantibus, primum domum Annae, deinde ad templum traductum : 7° interfuisse tam domi Annae, quam in templo eos ipsos, qui vim metumque Aloisio intulerint: 8°post celebratum hac ratione matrimonium, non liberum relictum Aloisium, sed