36g DECRETUM

coelestibus gemmis coronam vocatus est. Annum agebat aetatis trigesimum quartum cum funesta phthisis symptomata, quae lento gradu iuvenilem vitam consumebant, graviora apparuere.

Dies 12 Maii, qua beati adolescentis s. Pancratii Martyris felix memoria recolitur , postrema fuit insontis iuvenis vitae. Ita beata iuvenis sacerdotis anima inter supernos beatorum spirituum choros recepta, aurea praeclarissimarum virtutum co- rona refulgens, aeternae coelestium gaudiorum beatitate iucun- datur. Tunc autem patuit quam egregia sanctitatis existima- tione ipsa iuvenis humilis ac abdita vita penes frequentissimam hanc Urbem frueretur. Siquidem vix pretiosissimi eius obitus fama evulgatur, universi illibatum iuvenis candorem, merita il- lustr ia, angelicam pietatem commendare. Hinc inter stipatam populi multitudinem, ac undique personantes intemerati sacer- dotis laudes, mortales eius exuviae ad s. Caeciliae templum, veluti triumphali pompa translatae , splendidissima funebria habuere.

De fama sanctitatis in vita et post obitum.

Crevit praeclarum intemeratae sanctimoniae nomen post pre- tiosum iuvenis obitum, cum heroicarum eius virtutum laudibus non modo latissimae urbis viae, sed extra Romuleos fines ipsae finitimae Provinciae personarunt. Hinc assiduus ad eius tumu- lum fidelium concursus ac numquam intermissum intemerato Sa- cerdoti privatae venerationis obsequium. Ad inclytam hanc san- ctitatis famam augendam, egregiis iuvenis gestis exortam, plu- rimum contulere eximia portenta quae a Divina Omnipotentia, validissima sui famuli intercessione, patrata omni aevo praeclaram eius memoriam illustrarunt.

Animadversiones Promotoris Fidei.

Pius sacerdotum Coetus, cuius ad s. Gallae aedes spiri- tualis pauperum cultura e s t , inter perinsignes caritate viros, hunc etiam protulit S. D. Ioannem Andream Parisi de quo agimus. Hic Urbem, in qua incunabula pariter ac sepulchrum habuit, adeo suis illustrasse virtutibus fertur, ut iuvenis An- gelicus, alterque Aloisius Gonzaga a beato Ioanne Baptista de Rossi consodali suo appellari meruerit. Quapropter ab eius obitu sextum post annum iudiciales tabulae super vitae ac sanctitatis fama Ordinaria auctoritate institui coeptae sunt, quam- vis, vix inchoato tertii testis examine, intermissae ac numquam