368 PARISIEN.

matrimonium in themate haud fuisse opere completum, in altera dispensationis causas enucleat, in tertia demum non- nullas difficultates explicat.

Et a prima incipiendo perplures sive viri sive mulieris sive testium depositiones recitat atque cumulat, ex quibus colligitur comitem d'Estourmel pellicem ita turpiter depe- riisse, ut uxorem suam non modo ab ipso coniugii exordio despexerit, sed et a matrimonii consummatione se abstinue- rit, imo ne tentare quidem curaverit. Sufficiat heic unum vel alterum testimonium referre.

Et in primis ipsemet comes d'Estourmel de se iureiu- rando affirmat : meam familiam haud latuisse, me alias fo- vere amicitias, quibus nuncium non dederam etsi per paren- tes de hoc adprecatus. Hoc forsan desiderabam tempore ma- trimonii, quod ini vi absque amore.

Idipsum confirmat comes de Savignac. Plura in hunc sensum et de pravis viri moribus concinunt baro Robertus Oppenheim, marchio de Lentilhac, vicecomitissa de Saint- Jean, vicecomes et vicecomitissa de Savignac aliique. Hinc nihil mirum si, vix peracto foedere, comes contemptu et in- iuriis afflixerit uxorem, quae narrat : quod eadem matrimonii die, dum Ecclesiam relinquerent parum amabilem sese habuit sponsus; quin imo tempore prandii de pellice loquutus est. Sero autem sponsus cubiculum ingressus, petiit an edocta fuerim per matrem de rebus matrimonii; cui quum respon- dissem, id per sororem meam scivisse, ait, omnia haec locum habere non posse hac eadem nocte, et iterum de pellice loqui adgressus est. Lectum meum petivit, sed per totam noctem tranquille obdormivit. Hac agendi ratione obstupui, et plo- ravi amare. Comes vero ipsemet, causam non consummatio- nis matrimonii explicans, a i t : haud cogitaveram antea me abstinere a consummatione matrimonii, sed a primo die ita tristis atque incertus eram de futuro, ut prudens censuerim hoc capiendum esse consilium. Ideoque prorsus confirmare possum, nullam me habuisse carnalem relationem cum iuvene Oppenheim. Hoc firmatur per confessionem mulieris, quae