368 EX S. C. CONCILII

Parochi congruam a fidelibus oblatam augebunt : et erit unde

sacrorum decori congruenter provideatur.

Concludit advocatus adnotando in casu, concessa dis-

membratione, eam facile ad exitum adduci posse. Nam ad

auctoritatem Ecclesiasticam quod attinet, dismembrandae

paroeciae fines per vias publicas ex eo tempore sunt con-

stituti ex quo anno 1747 in oppido S. Giovanni Monte-

bello Ecclesia succursalis erecta est. - Civilem vero non de-

futuram approbationem, ubi dismembratio ab Ecclesia con-

cessa fuerit, iam certa argumenta persuadent.

Dubium

An et quomodo sit locus dismemhrationi in casu. R. Affirmative, servata matricitate Ecclesiae archipre-

sbyteralis loci Giarre recognoscenda cum aliquo obsequii

signo.

BERGOMEN.

DISPENSATIONIS AB IRREGULARITATE.

Die 21 Novembris 1903.

Haec causa dispensationis ab irregularitate ex defectu

corporis, proposita fuit per summaria precum, cum agatur de gratia obtinenda, in Comitiis generalibus diei 21 No-

vembris 1903, et Oratori instanti pro gratia responsum fuit

Attentis omnibus, non expedire. Samuel Gotti alumnus Seminarii Bergomensis, ex con-

tracti morbi consequentia, amputationem utriusque pedis

pati coactus est. Verum huic defectui suppletum est appli-

catione automatici instrumenti ad genua, ita ut commode

se movere et deambulare queat iuxta medici curantis fi-

dem. - Cupiens praefatus iuvenis militiae ecclesiasticae

sese adscribere, supplicem libellum pro dispensatione a con-

tracta irregularitate S. Concilii Congregationi obtulit.