Sermo III .

Item, sermo fratris Bonaventurae Fratribus de Assisio.

Qui legit intelligat, Maltbaei vigesimo quarto .

Duo facit Dominas in his verbis: primo sollicitat cognitivam ad speculationem intentam et arduam de futuris, cum dicit: Qui legit: secundo incitat affectivam ad degustationem et applicationem devotam et plenam super aeternis, ibi: intelligat.

I. Circa primum nota, quod debemus legere in triplici libro: conscientias per explorationem defectuum et profectuum; Danielis septimo : Judicium sedit, et libri aperti sunt.

Scripturas per investigationem divinarum voluntatum: Baruch quarto: Hic est liber mandatorum Dei et lex, quae est in (teterrimi etc.

Naturae sive crealurae per contemplationem et recognitionem aeternorum vestigiorum ; Isaiae trigesimo quarto: Requirite diligenter inlibro Domini et legite.

II. Circa secandam nota, quod applicare debemus intellectum et affectum legendo in libris dictis: per studium meditationis vigilantis: Iosue primo Meditaberis in volumine Legis diebus ac noctibus: tunc diriges viam tuam et intelligcs eam. - Per usum devotionis sursum agentis: tertii Regum terlio:

Ecce, dedi tibi cor sapiens et intelligens. - Per exercitium considerationis castifican tis; Danielis primo : Danieli dedit Deus intelligentiam omnium visionum et somniorum.

Sermo IV . Sermo fratris Bonaventurae Fratribus de Mastioone.

Ambuletis digne Deo, per omnia placentes, ad Colossenses primo .

Duo facit Apostolus in his verbis: primo, invitat ad sollicitam interiorum reformationem, cum dicit: Ambuletis digne Deo: secundo, excitat ad evangelicam morum et actuum compositionem, ibi: per omnia placentes.

I. Circa primam nota, quod ambulat quis digne Deo per tria, scilicet per usum orationis devotae: Baruch quinto : Ambulet Israel diligenter in honorem Dei: idem: Ambula per viam ad splendorem eius contra lumen eius.

Per studium caelestis sapientiae: ad Ephesios quinto: Ambulate, non quasi insipientes, sed ut sapientes, et implemini Spiritu sancto, loquentes vobismetipsis in psalmis et hymnis et canticis spiritualibus.

Per exercitium spiritualis gratiae; Psalmus : Ambulabam in latitudine, quia mandata tua exquisivi,

II. Circa secandam nota, quod placet quis hominibus per tria, scilicet per speculum laudabilis vitae; primae ad Corinthios decimo : Placete, sicut et ego per omnia omnibus placeo.

Per verbum aedificationis et gratiae; ad Romanos decimo quarto: Qui in hoc servit Christo placet Deo et probatus est hominibus.

Per aspectum pietatis et clementiae: Sapientiae quarto: Placens Deo factus est dilectus etc.