Concursus 369

praeceptum de luminibus non accendendis respiceret tempus post praescriptas horas, ne hoc tempus protraheretur. Quare sibi imputare debere Presbyterum P, si tempore utili luminibus non sit usus.

Ad secundam querelam, quod habita ratione doctrinae tantum fuerit reprobatus, respondit promotor, id factum esse iuxta Constitutionem Benedicti XIV Cum illud, accedente dioe- cesis longaeva consuetudine. Sane Benedictus XIV tradens normam periculi faciendi edixit § /6, n. 4, quod Examinatores, postquam demum deprehenderint qua quisque polleat gravitate

sententiarum debeat aequali ni forte maiori diligentia ad truti- nam revocare requisita candidatorum doctrinae et scientiae arcto

foedere consocianda. Ex qua Benedictina Constitutione inquie- bat patere, non posse considerari requisita eorum qui quoad scientiam adprobati prius non sint; ne inutilia evadant Con- stitutionis verba: postquam deprehenderint qua quisque polleat

gravitate sententiarum. His accedere firmam dioecesis con- suetudinem, quam asserebat conformem etiam consuetudini Cleri romani.

Ad tertiam querelam respondit, acta concursus Romam fuisse missa, et iudicium Examinatorum fuisse probatum.

SED CONTRA HAEC Presbyter P suas rationes adducens, querimonias repetiit superius indicatas, aliasque adiunxit, praesertim de secreto a curia servato post concursum, pro- pter quod ipse non potuerit statim reclamare nec omnes afferre necessarias rationes ; conquestus est de luminibus accen- sis postquam ipse resolutiones casuum tradidisset ; de edictis publicatis pro intimatione concursus, quibus bis variatimi fuerit tempus, atque ante tempus praestitutum concursus habitus sit.

Sed post haec ad alterum iuris caput devenit; cum enim ipse propter defectum scientiae non fuerit adprobatus, quin Examinatores considerarent simul eius requisita, contendit ad normam SS. Canonum considerandam esse scientiam una simul cum requisitis, atque ex his omnibus simul sumptis iudicium ferendum ; non autem ex sola scientia.

Acta, tom, VII, fase. LXXVIII. 24