DECRETUM 369

Acta, Tom. XIII, fase. OLII. 24

ad exitum deinde perductae. Cur id accidit, latet : illud sane dolendum, etiam inchoatum Processum deperditum fuisse, quin diligentissimis Postulatorum curis eum reperire contigerit. No- stra itaque aetate, cum nullus amplius nec de visu, nec de auditu a videntibus testis sperari po te ra t , novae adornandae Inquisitioni manus est apposita; qua tamen utilitate et boni exitus spe, breviter dicam.

Decem a Causae Postulatore, tres insuper, ex officio testes inducti sunt, quorum ea conditio est, ut vel ad eumdem per- tineant pium Coetum, cui Dei Famulus adscriptus erat, vel sint Sanctimoniales Virgines s. Caeciliae, in cuius templo illius corpus requiescit, et aeditui munus eiusdem parentes exercu- erunt. Non equidem hos ceu nimiae affectionis suspectos a iu- dicio repellendos contendam : at cum in hac iudicii sede de fama sanctitatis sit inquirendum , quae longe lateque diffusa fuerit, censendi ne erunt idonei universitatis t es tes , qui ad duos tantum coetus pertineant? Neque tamen Ioannes Andreas aliquid in occulto egit, non in elaustris vitam duxit ; ideoque eius consuetudines, mores, agendique ratio omnibus perspecta et explorata fueie. At de hoc inferius.

Interim, ne coniecturis delectari videamur, praestat dili- gentius inquirere qua tandem scientia hi testes praediti sunt. Ast omnem scientiae et cognitionis suae causam, ex qua- dam vita, a Confessario S. D . , seu potius a D. Ioanne. Sotio conscripta et typis edita, vel ex attestatione beati Ioannis Ba- ptistae De Rossi repetunt.

Quid ergo dicendum? Est ne hic modus legitimus, iuridicus, sufficiens probandi virtutum et sanctitatis famam ? Erunt ne vere ac proprie dicta testimonia, quae unica constant unius aut alterius privati scriptoris auctoritate, et ad hanc tantummodo sese refe- runt? itaque probationi per testes faciendae omnino valedicendum est. Restaret dumtaxat probatio per documenta : at haec, sub- sidiaria cum sit, nonnisi in antiquis ex quadam benigna iuris concessione admittitur: cum ceteroquin per documenta manu- scripta, vel per históricos neque plena, neque directa probatio iuridice exhiberi possit. (Benedictus XIV lib. II c. 8 n. 5). Atqui in Causa documenta haec universum probationis onus su- stinerent. De vita a Vasellio et a Sotio conscripta, deque atte- statione b. Ioannis Baptistae De Rossi , iam tetigi. Sed enim et alia pariter extraiudicialia , vitae scriptori praesto fuerunt,