BERGOMEN. 369

Quod orator irregularis sit nulla dubitatio : hoc enim diserte colligi potest ex cap. Presbyterum de clerico ae- grotantes in quo sacerdoti cui fortuito palmae medietas cum duobus digitis abscissa erat, non permittitur Missae celebratio « quia ne: secure propter debilitatem, nec sine scandalo propter deformitatem hoc f eri posse confidimus ».

Hinc colligitur, ait Pirhing Ius can. lib. 3 in commen- tario ad hoc cap. « quod duae generatim sint causae quae inducunt irregularitatem ex corporis vitio, seu inhabilem reddunt ad officium sacerdotale exercendum vel in totum vel solum ex parte, quarum quaelibet per se sola sufficit, videlicet propter debilitatem, per quam impeditur congruum exercitium ordinis vel propter notabilem deformitatem, quae parit scandalum, vel horrorem aliquem affert spectantibus ».

Iam vero quod haec duo in infelici Oratore concurrant, eruitur ex relatione Episcopi Bergomensis ad interpellatio- nem S. Concilii C. data: ipse enim testatur « Sacrosancti Sacrificii caeremonias alumnum Gotti exequi non posse abs- que aliqua admiratione, praesertim dum altare ascendit vel descendit ; nec Oratorem sese ex altari ad populum vertere posse absque fulcro manus sinistrae super eodem altari.

Potius in casu inspiciendum est utrum adsint causae pro- portionatae pro benigna relaxatione a praefata irregularitate. - At in casu non pauca gratiae concessioni obicem parare videntur.

Imprimis res est de gravissimo defectu membrorum, nempe de defectu utriusque pedis, qui propter notabilem deformitatem grave scandalum et admirationem inter fide- les gignere valet.

Insuper S. Concilii Cong. dispensationem denegavit in casibus mitioribus -, uti videre est in Patavina Dispensa- tionis 27 Aprilis 1861 ob deformitatem in manu dextra, quamvis indicem et pollicem expeditos Orator haberet; in Pampilonen. Dispensationis 22 Novembris 1856, propter defectum in sinistra manu ; et in Policastren. Dispensatio- nis super irregidaritate 21 Martii 1863.

Acta, Tom. XXXVI. fase. CDXXYI. 21